Kohë në Pentagram
Një mbrëmje gala kushtuar 70-vjetorit të lindjes së regjisorit të shquar Nikolin Gurakuqi, një prej emrave më të rëndësishëm të skenës shqiptare.
Nën drejtimin muzikor të maestro Edmond Doko dhe Dritan Lumshi, me pjesëmarrjen e Solistëve, Korit dhe Orkestrës Simfonike të Teatrit Kombëtar të Operës, Baletit dhe Ansamblit Popullor, mbrëmjen e nesërme publiku do të udhëtojë ndër vite përmes kryeveprave të repertorit botëror, nga Verdi, Puccini e Bizet, deri te Rossini e Mascagni.
Një udhëtim artistik në pentagramin e kohës aty ku muzika dhe kujtimet flasin një gjuhë të përjetshme.
Nikolin Gurakuqi është regjisor operistik, këngëtar dhe pedagog shqiptar me një karrierë të gjatë në Teatrin Kombëtar të Operës dhe Baletit (TKOB). Lindi rreth vitit 1955. Filloi si korist dhe solist në TKOB në vitin 1979, më pas u bë regjisor. Ka vënë në skenë mbi 80 premiera operistike shqiptare e të huaja.Gurakuqi ka qenë pedagog në Akademinë e Arteve për rreth 25 vjet. Është dekoruar me tituj si “Naim Frashëri i Artë” dhe “Grand Master”. Pas humbjes së djalit, nisi të shkruajë poezi, duke e përjetësuar dhimbjen në art
