Brazili i ka rezervuar një mikëpritje të vecantë gazetarit Nazim “Noli” Salihu, me origjinë nga Kosova dhe me një karrierë të suksesshme aktualisht në SHBA.
Në shenjë mirënjohjeje për punën e tij në përhapjen e kulturës, vlerave dhe lajmeve të atdheut të tij përmes televizionit dhe për fisnikërinë e profesionit të tij, deri me sot Noli u nderua me titullin “Kauza të Pavdekshme” nga Akademia e Letrave e Brazilit, Seksioni Uberaba, si dhe me çmimin “Mik i AAP / Brazil”. Ky çmim u jepet personaliteteve që lartësojnë identitetin e popullit të tyre përmes fjalës dhe angazhimit.
Gjatë qëndrimit të tij, Noli zhvilloi intervista me personalitete të Uberabës, duke realizuar me rigorozitet gazetaresk histori që forcojnë kujtesën dhe dialogun mes popujve. Gazetari Salihu vizitoi edhe Shtëpinë e Kujtesës së Chico Xavier, Këshillin Bashkiak të Uberabës, dhe bëri një ndalesë në Parkun Ekspozues Bujqësor Fernando Costa, Memorialin Chico Xavier dhe Peirópolis Geopark.
Ai mori pjesë në ceremoninë solemne të pozicioneve akademike në FIEMG, ku zhvilloi një dialog me presidentin Flávio José Zago, sekretarin e tij dhe të ftuarit. U prit së bashku me miqtë shqiptarë në rezidencën e shokut Antônio Noronha.
Salihu vizitoi Rajonin e 5-të të Policisë Ushtarake të Minas Gerais, nën komandën e kolonelit Rodrigo Ëolf Luz. Vizita e tij sipas përfaqësuesve brazilianë ripohon se si “homo homini amicus est” njeriu është mik i njeriut kur kulturat takohen me respekt.
