Ndërtimi i një imazhi pozitiv për veten është mjaft i rëndësishëm për të ecur dhe për tu zhvilluar si njeri.
Mësoni veten që të thoni JO. Duket e thjeshtë, por të themi JO në moshë madhore është një gjë serioze. Natyrisht që duhet të bëjmë diferencën në situata të ndryshme, por, kur diçka nuk thoni një JOOOO të madhe.
Pranoni pamjen tuaj! Bëni paqe me të ! Kjo nuk do të thotë që të hiqni dorë nga ushtrimet fizike, meditimi, të ndiqni modën, por duhet të pranoni kufizimet tuaja. Përqëndrohuni në pikat e forta , në vend të defekteve.
Mos kini frikë. Cdo veprim ka pasojat e tij, por kjo nuk duhet të bllokojë iniciativat tona apo nismat . Merrni përgjegjësitë tuaja, bëni zgjedhjet dhe pranoni pasojat.
Nuk është e nevojshme tu pëlqejmë të gjithëve. Nuk na duhet miratimi i të tjerëve , mjafton që ndihemi mire me veten tonë.
Shfrytëzoni të gjitha mundësitë që ju jepen.
Jini vigjilent ndaj gjithckaje që ju ofrohet, mundësitë që lindin dhe idetë që krijohen. Vështirësia nuk duhet të pengojë askënd që ka një ëndërr për të realizuar.
Rrjetet sociale vazhdimisht na ballafaqojnë me atë që bëjnë të tjerët: t’i largosh ato është një dhuratë e madhe për veten, që duhet ta bëjmë herë pas here.
