Thirrje për tu bashkuar me nismën e Europa Donna Albania
Tetori është caktuar si muaji i ndërgjegjësimit për kancerin e gjirit në të gjithë botën e në ndihmë të kësaj kauze Europa Donna Albania vijon fushatën për mbledhjen e fondeve për të ndihmuar gratë dhe vajzat e prekura nga kanceri i gjirit me proteza silikoni,
Falë donacioneve nga jashtë Shqipërisë deri më sot janë dhuruar 300 proteza të tilla dhe pritet që të tjera të dhurohen në vijin nga sensibilizimi i qytetarëve dhe më gjerë.
Në një intervistë për Probizz.al drejtues të Europa Donna Albania tregojnë hapat se si mund të kontribuoni me fonde për këtë kauzë.
“Kushdo të kontribojë, mund të bashkohet duke u regjistruar në linkun: https://www.raceforthecure.eu/en/ Mund të regjistrohet si ekip apo individ. Regjistrimi kushton 10 euro për person dhe po ashtu secili ekpi apo individ mund edhe te sponsorizohet nga miqtë e tij/saj. Kështu kthehet në një “garë” argëtuese se cili ekip mbledh më shumë dhe ndihmon më shumë! Për të gjithë ata që kanë vështirësi, mund të regjistrohen edhe në ditën e aktivitetit.”
Protezat e silikonit janë mjaft të domosdoshme për gratë dhe vajzat e prekura nga kanceri i gjirit dhe çdo kontribut i qytetarëve do të ndihmonte në plotësimin e kësaj nevoje.
“Kjo ështe hera e parë që mbledhim fonde për protezat e silikonit të kancerit të gjirit. Deri tani kemi realizuar disa donacione me ndihmën e donatorëve jashtë Shqipërie. Organizata jonë nuk ka si qëllim foundraising, por ky është rasti i vetëm për të cilin ne kemi vendosur të ndihmojmë direkt vajzat dhe gratë me kancer gjiri, pasi pas donacioneve që kemi bërë, kemi kuptuar akoma më shumë se sa e nevojshme është kjo protezë për përditshmërinë e tyre!Deri tani, ne kemi dhuruar 300 proteza, falë donacioneve nga jashtë!Protezat do t`i dhurohen pacienteve. Pas Tetorit, do të fillojnë procedurat e blerjes së protezave pasi të jetë mbyllur dhe linku i regjistrimeve dhe të jetë bërë mbledhja e fondeve.”
Kësaj nisme i është bashkuar edhe Eurofarma me grupin e krijuar “Amoena”.
“Eurofarma është mbështetesë e kauzës sonë dhe na ka mbështetur edhe vite të tjera në aktivitetet që kemi zhvilluar. Këtë vit, Eurofarma me Amoenën është mbështetëse e aktivitetit “Race For the Cure Albania”, ku nga regjistrimet, të ardhurat do të shkojnë për blerjen e këtyre protezave.”- shprehen drejtues të Europa Donna Albania”.
Si lindi kjo nismë?
“Race For the Cure është një nga eventet më të rëndësishme në botrë dhe në Shqipëri ka katër vite që zhvillohet dhe të gjitha të drejtat ligjore dhe ekskluzive për këtë aktivitet i ka Europa Donna Albania, që është dhe anëtare e “Think Pink Europe”. Ideja për kanalizimin e fondeve tek protezat, lindi pasi pamë nevojën e madhe të këtyre grave për protezat.”
Të bashkuar mundet të bëjmë gjëra të mëdha, ndaj për secilin prej jush ka një thirrje.
“Secili nga ne ka dikë në rrethin tonë familjar apo shoqëror që vuan nga kanceri i gjirit. Shumica prej këtyre vajzave dhe grave e ka humbur njërin gji dhe sigurisht që është pjesa më sesnibel dhe feminile e ccdo gruaje. Le tua rikthejmë pak buzëqeshjen duke i ndihmuar me protezën e silikonit. Kjo i ndihmon jo vetëm nga ana estetike dhe që të ndihen më të bukura, por dhe nga ana shëndetësore, pasi proteza ndihmon në balancimin e peshës me gjoksin tjetër. Të gjithë bashkë, mund të bëjmë një ndryshim sado të vogël. Ne kemi dhuruar 300 proteza, por në Shqipëri jetojnë të pakten 5000 paciente me kancer gjiri. Përmes këtyre shifrave, mund ta kuptoni vetë se sa shumë nevojë dhe kontribut duhet nga të gjithë.”
