Ryanair ka rënë dakord për një marrëveshje prej 40 miliardë dollarësh me Boieng për të blerë rreth 300 avionë të rinj gjatë dekadës së ardhshme.
Sipas linjës ajrore kjo është porosia më e madhe e bërë ndonjëherë nga një kompani irlandeze më mallra të prodhuara në SHBA.
BBC shkruan se dërgesat e avionëve të rinj nisin në vitin 2027 të cilët do të zëvendësojnë flotën e vjetër të Ryanair, duke rritur efikasitetin dhe duke ulur emëtimet.
Avioni i ri i cili ka 228 vënde do të përdoret për të përmbushuar trafikun e Ryanair, i cili parashikon të rritet me 80 % dhe të arrijë 300 milionë pasagjerë në vit deri në 2034.
Shefi ekzekutiv i linjës ajrore Michael O’leary e përshkroi marrëveshjen si “porosi ideale e rritjes së avionëve per Ryanair, pasagjerët, njerëzit dhe aksionerët. “Këta avionë me efikasitet, teknologji më të gjelbër ofrojnë 21 % me shumë vënde , djegin 20 % më pak karburant,” tha ai. Sipas BBC marrëveshja do t’i mundësojë Ryanair të krijojë më shumë se 10.000 vende të reja pune më pagesë të lartë për pilotët, ekuipazhin dhe inxhinierët. Ndërsa presidenti dhe shefi ekzekutiv i Boeing Dave Calhoun tha se partneriteti Boeing-Ryanair është një nga më produktivët në historinë e aviacionit komercial. Ai tha se kjo u mundëson të dyja kompanive të kenë sukses dhe sigurojnë udhëtimin me kosto të përballueshme për publikun.
Në fund Calhoun deklaroi se bashkëpunimi do të vazhdojë duke i dhënë mundësi grupit më të madh të linjave ajrore në Europë të arrijë qëllimet e tij duke u ofruar klientëve të saj tarifat më të ulta.
Burimi: BBC