Një ngjarje artistike dhe kulturore kushtuar trashëgimisë, lirisë dhe identitetit kombëtar shqiptar.
Në kuadër të festave kombëtare të Nëntorit, Londra do të mirëpresë ekspozitën “Roots of Freedom and Identity”, një iniciativë artistike dhe kulturore që synon të promovojë vlerat historike, kulturore dhe identitare të kombit shqiptar në një kontekst ndërkombëtar.
Ekspozita do të bëjë bashkë artistë nga trevat mbarëshqiptare, duke krijuar një platformë të përbashkët për prezantimin e krijimtarisë së tyre dhe për zhvillimin e dialogut artistik e ndërkulturor.
Përmes qasjeve dhe shprehjeve të ndryshme artistike, kjo ngjarje synon të evidentojë marrëdhënien ndërmjet kujtesës historike, trashëgimisë kulturore dhe identitetit kombëtar, duke e pozicionuar artin si një mjet të rëndësishëm komunikimi dhe përfaqësimi kulturor përtej kufijve gjeografikë.
Projekti është konceptuar dhe iniciuar dhe organizuat nga Merita Avdyli, mbi vizionin e krijimit të një hapësire gjithëpërfshirëse të bashkëpunimit artistik mbarëkombëtar, në bashkëpunim me Emine Jetishin, organizatore, dhe Anila Hetojën, kritike arti.
“Roots of Freedom and Identity” synon të kontribuojë në promovimin dhe ndërkombëtarizimin e artit shqiptar, në forcimin e lidhjeve kulturore ndërmjet artistëve dhe në afirmimin e trashëgimisë sonë kombëtare në skenën artistike ndërkombëtare.
Një projekt që e vendos artin shqiptar në dialog me botën, duke ruajtur dhe promovuar rrënjët e identitetit tonë kulturor.












