Shoqata Shqiptare e Bankave (AAB) në datën 15 prill 2021 zhvilloi mbledhjen e Asamblesë. Sipas agjendës, dhe në përputhje me statutin e AAB-së, u zgjodh Bordi Mbikëqyrës i Shoqatës, me pesë anëtarë.
Kryetar i Bordit Mbikëqyrës u zgjodh z.Bledar Shella ndërsa z.Seyhan Pencabligil u zgjodh Zëvendës Kryetar.
Anëtarët e zgjedhur janë:
- Z.Bledar Shella, Drejtor i Përgjithshëm i OTP Bank Albania;
- Z.Seyhan Pencabligil, Drejtor i Përgjithshëm i Bankës Kombëtare Tregtare (BKT);
- Z.Maltin Korkuti, Drejtor i Përgjithshëm i Credins Bank;
- Z.Dritan Mustafa, Drejtor i Përgjithshëm i Tirana Bank;
- Z.Bozhidar Todorov, Drejtor i Përgjithshëm i FIBank Albania.
Zyra Ekzekutive e AAB-së falënderon Komitetin Ekzekutiv dhe ish Kryetarin, zotin Silvio Pedrazzi, – i cili, së afërmi do të angazhohet në projekte të tjera, – për përfaqësimin e Shoqatës me cilësi, standard dhe vizion, duke përballur me sukses situatën e vështirë të krijuar nga pandemia Covid-19, dhe me këtë rast i uron Bordit Mbikëqyrës dhe Kryetarit, z.Bledar Shella, suksese në përballimin e kërkesave të reja të zhvillimit të tregut bankar dhe përfaqësimit të industrisë bankare!/ProBizz.al/
