Drejtori i Përgjithshëm i Doganave, Genti Gazheli ka pritur në një takim zyrtar Drejtorin e Marrëdhënieve me Jashtë, në Agjencinë e Doganave Italiane, Andrea Mazzella.
Gjatë këtij takimi kreu i Doganave Shqiptare vlerësoi bashkëpunimin e deritanishëm me homologët italianë, ku asistenca e tyre ka qënë mjaft e vlefshme në rritjen e performancës dhe përafrimin e mjaft procedurave me ato të vendeve europiane.
Gazheli theksoi se partnership i rëndësishëm është projekti rajonal SEED, suksesi i të cilit është certifikuar në vite, si dhe asistenca e ndërsjelltë në Protokollin e Mirëkurptimit midis Drejtorisë së Përgjithshme të Doganave dhe Agjensisë së Doganave Italiane, të vitit 2003, në fushën e shkëmbimit të informacionit dhe luftën kundër trafiqeve, midis dy brigjeve të Adriatikut, zbatimi i të cilit ka patur dhe ka një impakt të rëndësishëm në parandalimin, zbulimin dhe ndëshkimin e trafiqeve të paligjshëm.
Ky protokoll tashmë është përditësuar me zhvillimet e teknologjisë dhe nevojave të dy adminstratave tona dhe shkëmbimet e informacioneve periodike aktualisht kryhen në formë elektronike në raporte të gjeneruara nga sistemet përkatëse.
Në vizitën e tij të parë jashtë vendit, ambasador Andrea Mazzella, vlerësoi bashkëpunimin për projektet e përbashkëta, dhe theksoi se kjo do të rritet në vijim për të afruar Shqipërinë dhe Ballkanin Perëndimor me Bashkimin Evropian.
Aktualisht Italia është ndër vendet kryesore të shkëmbimeve tregtare me vendin tonë, ku për vitin 2022 zënë 14% të totalit në peshë, dhe 29% të vlerës totale.
Burimi: Tv Scan
