Snapchat tani ju lejon të ndani aktivitetet tuaja Strava në snaps dhe story

Snapchat po bashkëpunon me platformën e ndjekjes së aktivitetit dhe fitnesit Strava për të lançuar një Lent të ri që lejon përdoruesit të ndajnë udhëtimin e tyre të fitnesit në Snapchat. Lentja e re e aktivitetit Strava funksionon duke u lidhur drejtpërdrejt me profilin tuaj Strava, duke ju dhënë akses te statistikat dhe hartat e aktivitetit nga stërvitjet tuaja të fundit. Sa herë që bëni një stërvitje, ajo do të ngarkohet automatikisht në Snapchat.

Për të ndarë aktivitetin tuaj nga Strava në Snapchat, duhet të hapni aplikacionin Strava dhe të gjeni profilin tuaj. Nga atje, duhet të zgjidhni skedën “Aktivitetet” dhe të shkoni te stërvitja që dëshironi të ndani. Aktivitetet e ndara mund të jenë të dukshme për “Everyone” ose “Followers only” në Strava dhe të përfshijnë një hartë të dukshme.

Në Snapchat, mund ta gjeni Strava Lens në Lens Explorer të aplikacionit ose në profilin publik të Strava. Stërvitja juaj më e fundit do të shfaqet automatikisht ose mund të kaloni nëpër aktivitete të ndryshme për të zgjedhur një për ta ndarë. Pasi të keni zgjedhur një stërvitje për të ndarë, mund të krijoni një snap ose story. Postimi do të përfshijë një lidhje me stërvitjen tuaj Strava, në mënyrë që miqtë dhe familja juaj të mësojnë më shumë përmes aplikacionit Strava.

Ju gjithashtu mund të ndani një slideshow nga camera roll-i juaj duke prekur “Memories” për të aksesuar fotot nga stërvitja juaj. Snapchat vëren se mund të shtypni dhe rrëshqitni butonin e kapjes në të majtë për të kyçur dhe regjistruar pa duar. Ju gjithashtu keni mundësinë për të rrëfyer ndërsa kaloni nëpër foto nga stërvitja.

Lentja e re është e disponueshme globalisht për të gjithë përdoruesit e Strava dhe Snapchat në iOS dhe Android.

Nisja e partneritetit të ri vjen një ditë pasi Snapchat njoftoi se është në partneritet me Amazon për t’u dhënë përdoruesve të Snapchat mundësinë që të provojnë në mënyrë digjitale stilet e syzeve nga një sërë markash të njohura. Partneriteti i ri do të vërë në dispozicion markat si Maui Jim, Persol, Oakley, Ray-Ban, Costa Del Mar dhe të tjera për prova virtuale.

Burimi: Tech Crunch