Në Spanjë nga data 22 deri me 26 janar mbahet panairi gjigant i turizmit ku do të marrë pjesë edhe Shqipëria. Një mundësi shumë e mirë promovimi për bukuritë natyrore nga veriu në jug të vendit.
“Plazhe të bukura, maja madhështore, biodiversitet i pasur, sporte ujore e ferma idilike… prej kur dielli ngre kryet në alpe e deri kur perëndon në Adriatik, Shqipëria është plot ndjesi, shije e ngjyra dhe e tillë do të prezantohet para më shumë se 9000 ekspozuesve të këtij panairi, në takimet e nivelit të lartë dhe publikun pjesmarrës në Fitur 2025”, shkruan në facebook ministrja e Turizmit dhe Mjedisit Mirela Kumbaro.
Nën sloganin “Albania, all senses”, Shqipëria synon të tërheqjen e vizitorëve përmes shembullit të praktikave pozitive e të qëndrueshme në turizëm që promovojnë destinacone të turizmit natyror, prodhuesit lokalë, traditat e lashta, produktet artizanale e mikpritjen shpirtërore.
