Me 15 Tetor 2025, në ambjentet e hotel Mak Albania (ish Sheraton) kompania UNITA Worlwide organizoi një event prezantues të platformës së saj inovative B2B (Biznes-me-Biznes), e projektuar për të revolucionarizuar mënyrën se si kompanitë lidhen globalisht, tregtojnë dhe rriten së bashku. Prezantimi i kësaj platforme konsiderohet si një hap dinamik drejt transformimit digjital dhe bashkëpunimit më të fortë të bizneseve në botë.
Eventi mblodhi përfaqësues nga Trupi Diplomatik i akredituar në Shqipëri, kompanitë kryesore, shoqatat e biznesit dhe institucione shtetërore, duke theksuar rolin thelbësor të teknologjisë digjitale në rritjen e aksesit në treg, transparencës dhe konkurrueshmërisë.
Një Platformë e ndërtuar për partneritetsipas modelit B2B ofron një treg digjital interaktiv ku bizneset mund të:
• Zbulojnë furnizues dhe blerës të besueshëm;
• Shkëmbejnë oferta produktesh në kohë reale;
• Krijojnë partneritete të sigurta;
• Qasen në analiza dhe njohuri të tregut për të përmirësuar vendimmarrjen.
Përmes këtij inovacioni, UNITA synon të thjeshtojë procesin e urave të bashkëpunimit për bizneset, të shkurtojë zinxhirët e furnizimit dhe t’u mundësojë ndërmarrjeve të vogla dhe të mesme (SME) dhe atyre të mëdha, të konkurrojnë në mënyrë efektive në tregjet lokale dhe ndërkombëtare.
Gjatë prezantimit, ekipi i UNITA-sdhe partnerët e projektit demonstruan se si platforma integron Inteligjencën Artificiale në shërbim të kërkimit të avancuar, kontraktimit digjital dhe kanalevetë komunikimit për të krijuar një mjedis të besueshëm biznesi online.
Në nismën “Ekonomia digjitale, një përparësi për biznesin”, themeluesi i këtij projekti inovativ, Z.Sokol Çili, theksoi:
“Qëllimi ynë është të fuqizojmë kompanitë me teknologjine digjitale për ti hapur mundësi të reja për bashkëpunim, inovacion dhe rritje. Platforma UNITA- B2B është më shumë sesa teknologji, është një katalizator për integrimin rajonal dhe global të bizneseve për një zhvillimtë qëndrueshëm.”
Pjesë e eventit ishte edhezv.Ministri i Ekonomisë, Kulturës dhe Inovacionit,z. Sokol Duma, i cili në fjalën e tij përshëndetëse theksoi se lançimi i kësaj platforme është në vazhdimësi të forumit të investimeve midis Shqipërisë dhe BE-së e cila përforcon rëndësinë e investimit te bizneset për të rritur kapacitetet dhe ndërlidhjet midis personave në mënyrë që të krijohet një impakt më i gjerë ekonomik.
Platforma pritet që në muajt e ardhshëm të lançohet edhe në 2 përfaqësitë e tjera, specifikisht në Gjenevë dhe Dubai, ndërkohë që regjistrimet e antarësimit të bizneseve kanë filluar në përfaqësinë e saj në Shqipëri.
