WhatsApp po nxjerr funksionin e privatësisë “My Contacts Except…”, opsion që i lejon përdoruesit të kontrollojnë dhe zgjedhin se kush mund t’i shohë informacionet e tyre si statusi i “Last Seen”, fotografinë e profilit dhe përshkrimin “About” në WhatsApp.
WABetaInfo ka njoftuar se për të përfituar këtë shërbim të ri përdoruesit duhet ta përditësojnë aplikacionin në versionin 2.21.23.14.
Ky do të jetë një opsion i katërt së bashku me Everyone, My Contacts dhe Nobody në seksionin e privatësisë në Settings të WhatsApp.
Përdoruesit duhet të zgjedhin kontaktet me të cilët nuk dëshirojnë të ndajnë informacion nga opsioni “My Contacts Except…”. Kontaktet që nuk janë përzgjedhur këtu do të vazhdojnë të jenë në gjendje të shohin të gjitha informacionet siç bënin më parë.
Gjithashtu, nëse një përdorues e heq Last Seen për disa persona specifikë, ai nuk do të jetë në gjendje të shikojë dhe Last Seen-in e personave të përzgjedhur. Mirëpo ky rregull nuk aplikohet në rastin e fotos së profilit apo seksionit About.
Burimi: Gadgets
