Ambasada Shqiptare në Greqi realizoi në ambientet e saj takimin e përvitshëm me përfaqësuesit e biznesit shqiptar në Greqi. Tematika e tryezës së sivjetme të bashkëbisedimit “𝐁𝐢𝐳𝐧𝐞𝐬𝐢 𝐬𝐡𝐪𝐢𝐩𝐭𝐚𝐫 𝐧𝐞̈ 𝐆𝐫𝐞𝐪𝐢, 𝐤𝐚𝐭𝐚𝐥𝐢𝐳𝐚𝐭𝐨𝐫 𝐳𝐡𝐯𝐢𝐥𝐥𝐢𝐦𝐢 𝐩𝐞̈𝐫 𝐝𝐲 𝐩𝐨𝐩𝐮𝐣” solli në fokus kontributin domethënës të tij në mirëqenien ekonomike e sociale të dy vendeve si dhe nevojën për nxitjen e bashkëveprimit brenda komunitetit tonë me qëllim shfrytëzimin e potencialit të konsiderueshëm njerëzor.
Në fjalën e mirëseardhjes Ambasadorja Luela Hajdaraga vlerësoi rolin e rëndësishëm të sipërmarrësve në ekonomi, forcimin e imazhit dhe të identitetit kombëtar jashtë kufijve, si dhe i ftoi ata të përfshihen aktivisht në zhvillimet e vendit. Të pranishmit në këtë aktivitet diskutuan mbi sfidat e të bërit biznes dhe interesin e përbashkët për bashkëpunim.
Anëtari i kryesisë së Dhomës së Biznesit të Diasporës Shqiptare z. Panajot Rumi, me profesion inxhinier ndërtimi dhe themelues i Grupit “RUMMING E.C.H” me seli në Greqi dhe prezencë në Shqipëri, Kosovë dhe Itali, ishte i pranishëm në takim ku shprehu mirënjohjen për punën e kryer nga Ambasadorja dhe stafi i Ambasadës.
Në këtë takim z. Rumi theksoi rëndësinë e të qënurit të bashkuar dhe mirë organizuar. Gjithashtu shprehu mirënjohjen për të dy krerët e organizatave Shqiptare në Athinë dhe theksoi dëshirën e mirë për bashkëpunim.
Të pranishëm në takim ishin edhe sipërmarrës dhe përfaqësues të tjerë të bizneseve shqiptare në Greqi, si z. Nestor Dede, Inxhinier dhe pronar i “Clima Comfort Energy and Ambient Savings Technologies” dhe “Jali shpk”. Gjithashtu Drejtues i Rrjetit Bizneseve Shqiptare të Greqisë. Kristaq Konduri është anëtar i bordit drejtues të Dhomës së Profesionistëve të lire të Athinës dhe është rizgjedhur për herë të dytë nënkryetar i sindikatave të kioskave dhe tregtarëve të duhanit për Attikin si dhe znj. Joana Zhonga, diplomate e Seksionit për Çështjet Ekonomike, Tregtare dhe Turizmin pranë Ambasadës së RSh-së Athinë.
Burimi: Diaspora Shqiptare
