Ka studiuar në Amerikë për fashion-design por është rikthyer në Shqipëri për të bërë realitet ëndërrën e saj.
Bëhët fjalë për Alisa Dudaj e cila fitoi cmimin prej 20 mijë euro në konkursin e parë Muza Competition 1 dhe sot po punon për krijimin e brandit me emrin e saj.
Në një intervistë për mediat, Alisa sjell modelin e një vajze të re që ka lënë Amerikën për vendin e saj, pavarësisht studimeve që ka ndjekur atje.
Fituese e bëri fakti që gershetoi mjaft bukur në detaje,traditën Shqiptare me modernen.
“ Diferenca që bëra unë mes konkurentëve të tjerë ishte fakti që koleksioni im ishte përbërë nga detaje të vogla të traditës shqiptare të cilat ishin sjellë goxha të modernizuara dhe shumë minimaliste, në të njëjtën kohë. Kjo ishte një risi në treg krahasuar me koleksionet e tjera që janë bërë të inspiruara nga tradita shqiptare. Unë kam studiuar në nevv york, parsens fashion school dhe kur kam bërë tezën e temës së diplomës u referova që të shkoja të bëja foto te koleksionit te Fadil Berisha që më sugjeroi të merrja pjesë në këtë konkurs, më pas u drejtova tek Andriaola dhe dërgova aplikimin. “- thotë Alisa Dudaj.
Brandi I saj ka marrë tashmë rrugë vetëm bazuar në element tradicionalë. Më shumë ka gjetur bashkëpunim me Gjirokastrën.
“Tani jam drejt finalizimit të projektit që po bëj, të gjithë paratë që fitova i kam drejtuar drejt hapjes së një brendi në emrin tim, të inspiruar po prap nga tradita shqiptare pasi pashë që kishte shumë interes në atë fushë. Më shumë me Gjirokastrën me pjesën e centrove sepse aty kishte interesi më i madh dhe me pjesën e Shkodrës. Çentrot i punojnë disa gra sepse unë kam mësuar si punohen por jo në mënyrë profesioniste që të them dhe më pas kalojnë në një proces që ngrihen dhe qëndrojnë dhe formojnë disa skulptura të mëdha voluminoze dhe nuk ndryshojnë më formë. Më shumë ka patur interes nga të huajt, ka patur dhe modele shqiptare që kanë bashkëpunuar këto kohë. Ish-missi Sindi Marina që ka qenë suportuese e këtij koleksioni, pastaj aktorë nga hollivudi. Deri më tani ka qenë Halle Bailey-t të cilës i kam dërguar veshje në los angelos dhe me disa revista në nevv york që pres të nisin të dalin. “- thotë Dudaj.
Për talentin e ri ka patur në rol shumë të madh konkursi I realizuar në Shqipëri.
“Përvec shkollimit mendoj që ky ishte goxha një punë e fortë, dmth drejt njohjes më shumë në treg sesa do që shkolla bëhet nuk ke atë vizualitetin që të jep një emision i tillë që ishte muza kompeticion. Mendoj që më shumë më ka ardhur më shumë nga kompeticioni i muzës se sa shkolla momentalisht. Momentalisht çdo gjë po hapet në Shqipëri pasi inspirimi më i madh është nga Shqipëria dhe gjëja më pozitive ishte të hap diçka këtu për sa kohë tradita është këtu dhe gratë punojnë këtu dhe më pas në një të ardhme të largët të shkojmë dhe në Amerikë. “- thotë ajo
Alisa ka edhe një mesazh për të rinjtë se në Shqipëri ka mjaftueshëm mundësi për të menduar të ardhmene tyre në sektorë të ndryshëm.
“Duke qenë se shumë njerëz me çfarë kam hasur këto kohë pasi dhe kam lëvizur në rrethina të Shqipërisë këto kohë që kam qenë këtu shoh që ka një tendencë të njerëzve të shkojnë jashtë dhe nuk kanë më vullnetin të punojnë dhe të merren me punë dore dhe dihet që kushtojnë goxha kohë dhe mund dhe nuk shohin përfitimet monetare të mjaftueshme të suportojnë veten në Shqipëri. Mendoj që është në rregull, ka hapësira për të provuar gjëra të reja por që gjithmonë duhet të jetë guximi në fillim pastaj gjerat varet si shkojnë. Çdo gjë vjen me risk nga pas por gjithmonë ia vlen që ta provosh. Momentalisht rreth 300 dollarë është veshja më e shtrenjtë që kam shitur.“
