Në liqenin e Shkodrës vizitorët do kenë mundësi të lundrojnë me varka turistike.
“Disa foto të modelit të varkave turistike, të cilat së shpejti do të vihen në dispozicion të vizitorëve nga Bashkia e Shkodrës, me mbështetjen e Fondit Shqiptar të Zhvillimit”, shkruan kryeministri Rama në facebook. Shiroka do të jetë një nga tre molet në Liqenin e Shkodrës, ndërsa dy të tjerët në Zogaj dhe në Shkodër.
Molet janë me të gjitha parametrat në funksion të lundrimit në liqen, që shihet edhe si një perspektivë e re turistike mes Shqipërisë dhe Malit të Zi.
Ky projekt financuar nga Bashkimi Evropian, përmes Programit IPA Adriatik CBC Itali – Mali i Zi – Shqipëri zbatohet nga Fondi Shqiptar i Zhvillimit.
