Këshilli Britanik dhe Agjencia e Industrive Krijuese e Tiranës ftojnë profesionistët të marrin pjesë në Konferecën dy-ditore, ‘Takime krijuese në Tiranë’, e cila do të zhvillohet në datat 28 dhe 29 Janar, në ambjentet e Piramidës. Kjo konferencë do të mbledhë bashkë profesionistët në ekonominë krijuese nga Mbretëria e Bashkuara, Ballkani Perëndimor dhe Shqipëria, të cilët do të diskutojnë mbi fushën e filmit, muzikës, lojërave elektronike, teknologjisë, arkitekturës, dizajnit dhe modës, teatrit, arteve pamore, trashëgimisë kulturore etj. Profesionistët e këtyre fushave si edhe artistë të shumë disiplinave janë të ftuar të kontribuojnë në hartimin e rekomandimeve për krijimin e një strategjie të përbashkët.
Konferenca do të hapet nga Ambasadori i Mbretërisë së Bashkuar Alastair King-Smith ndërsa të pranishmëve do t’u drejtohen edhe Ministri i Ekonomisë, Kulturës dhe Inovacionit, Blendi Gonxhja, Kryetari i Bashkisë së Tiranës, Erion Veliaj si edhe Drejtoresha e British Council për Ballkanin Perëndimor, Clare Sears.
Konferenca do të vijojë me një leksion i cili do të drejtohet nga ekspertë të njohur britanikë dhe shqiptarë, të cilët kanë një përvojë mbi 20 vjecare në ekonominë kreative.
Për më shumë informacion mbi eventin “Takime Krijuese Tirana”, vizitoni https://www.britishcouncil.al/programmes/arts/creative-encounters-tirana.
