Ligjvënësit e Florida-s miratuan një projektligj që ndalon fëmijët nën moshën 16 vjeç që të kenë llogari në mediat sociale, ndërsa kërkon që të gjithë të tjerët të verifikojnë moshën e tyre.
Masa ndalon këdo nën 16 vjeç të krijojë një llogari të re në media sociale dhe kërkon që platformat të fshijnë llogaritë ekzistuese të mbajtura nga të miturit që janë më të vegjël se 16 vjeç. Gjithashtu kërkon që kompanitë e mediave sociale të fshijnë çdo informacion personal nga llogaritë. Projektligji pritet të kalojë në senat i cili kontrollohet nga republikanët.
Mjekët kanë dhënë paralajmërime vazhdimisht për rreziqet e mediave sociale për fëmijët.
Nevojiten më shumë kërkime për të kuptuar plotësisht efektet, por deri tani ka shumë tregues që mediat sociale mund të kenë gjithashtu një rrezik të thellë të dëmtimit të shëndetit mendor dhe mirëqenies së fëmijëve dhe adoleshentëve”.
Florida është një nga disa shtete që ka ndërmarrë veprime kohët e fundit për të kufizuar ekspozimin e adoleshentëve ndaj mediave sociale. Vitin e kaluar, Utah u bë shteti i parë në vend që ndaloi njerëzit nën 18 vjeç të përdorin mediat sociale pa pëlqimin e një kujdestari. Shteti i ndalon të miturit të përdorin një llogari të mediave sociale nga ora 22:30 deri në 6:30 të mëngjesit.
Shtetet e tjera kanë kërkuar që platformat të ndërmarrin masa të tilla si vlerësimet e sigurisë së fëmijëve. Qyteti i Nju Jorkut gjithashtu deklaroi mediat sociale një “rrezik për shëndetin publik” të mërkurën.