Shpeshherë fokusi i Probizz.al është tek gastronomia dhe talentet e reja. Në intervistën e radhës kemi përzgjedhur chef Ini Ismaili që duhet thënë se ka patur shumë fat në rrugëtimin e tij, por pasioni dhe përkushtimi vulosën profesionin e së ardhmes. Gatimet e shefit të kuzhinës mund ti shijoni tek Vila Oxnn e cila ndodhet në Durrës dhe ofron gjithë komoditetet që ju duhen nëse dëshironi të kaloni pak kohë të këndshme në bregdet.
Chef Ini Ismaili prej sa vitesh ushtroni profesionin tuaj?
Prej rreth 24 viteve, eksperiencë vetëm në Shqipëri, fat që e kam nisur me profesionist ekselence në gastronomi të huaj. Dua të veçoj Injacion një super chef Italian profesionist, dhe super njeri dashamirës për të dhënë shumë nga vetja që të mësoja unë.
Si nisi karriera?
Karriera ime nisi diku nga vitet 2000 ku nisa të studioja në shkollën “Hysen Cela” në degën e Hoteleri turizmi. Në atë kohe shkolla financohej nga një donacion francez ku prioritet kishin talentet e reja. Na bëhet një test praktik ku ishim zgjedhur 25 persona dhe 10 prej tyre më të mirët në atë kohë do punësoheshin për sezonin e verës në Drejtorinë e shërbimeve qeveritare. Pata fatin të isha njëri prej atyre 10 fatlumëve dhe pushimet e verës fillova si ndihmës kuzhinier në vilën e Kryeministrit të asaj kohe Z. Fatos Nano. Gjatë asaj kohe bëheshin pritje dhe bankete të ndryshme, të mëdha. Kishte shefa të huaj dhe shqiptar gjë e cila më ndihmoi shumë që unë ta nisja në majë të gjësë dhe gjithë eksperiencat e mëvonshme i krahasoja më atë dhe absolutisht që më dukeshin shumë më të lehta.
Cilat janë specialitetet tuaja?
Specialitetet e mia janë ato gatime ku në to shpaloset kreativiteti im, pak nga zemra ime dhe absolutisht do jetë e shkëlqyer çfarëdo qoftë ajo!. Thënë ndryshe pasioni, dashuria, dhe përkushtimi për atë që bënë do jetë gjithmonë i shkëlqyer produkti i përfituar.
Ku dallon chef Ini nga të tjerët?
Nuk do doja të cilësoja veten të dalluar nga të tjerët, por di një veti që ma vënë në dukje, shumë bashkëpunëtor. Që në momentin që e marrë një person në trajnim e rris në etapa të ndyshme dhe e kuptoj kur ai është i aftë për të drejtuar ekipin e tij. Atëherë i them je gati vazhdo dhe ec përpara pavarësisht që unë mund të dëmtohen me ikjen e tij.
Më mirë menu deti apo toke?
Më mirë menu deti për shëndetin e njerëzimit në ditët që po jetojmë sepse me tokën po abuzojmë shumë me kimikate, shumë vështirë për produkte bio!
Si e shihni interesin e shqiptarëve për zonën këtu?
Interesi i shqiptarëve është pak skeptik për sa i përket historikut të bërjës së politikave për gjithcka në vendin tonë është për të ardhur keq!
Po të huajt?
Për sa i përket të huajve ka një interes të madh dhe mbetemi të surprizuar për sa i përket kornizës së një subjekti turizmi për mikpritjen, ushqimin, shërbimin. Jashtë kornizës së subjektit përsa i përket infrastrukturës, falciteteve që ofron komuniteti, ka shumë komente negative nga të huajt për fatin tonë të keq!
Pak për vilën Oxinn, cfarë ofron?
Vila Oxinn është një “dashuri”. Vila Oxinn gjendet në vijën e parë në bregdetin e Durrësit, km 7 Golem, ofron 15 dhoma, ku 14 prej tyre kanë ballkon dhe pamje nga deti. 2 Restorante alla carte dhe self service, Piceri, beach bare, 100 Shezllone.
Konkakt
Tel: +355 69 202 0140
Add: Shkembi i Kavajes,Golem
Mail: [email protected]
