Në dimër, nevojat tona për kalori rriten, pasi metabolizmi ynë përshpejtohet gjatë përballjes me të ftohtin.
Kjo është arsyeja pse kemi më shumë oreks dhe kemi prirjen për të ngrënë më shumë, veçanërisht ushqime që janë të pasura me sheqer, yndyrë dhe kripë.
Cilat zakone duhet të ndryshojmë që të mos shtojmë peshë, dhe çfarë të konsumojmë në dietën tonë.
Duhet të organizomë një plan të duhur ushqimor ditor që do të na ndihmojë të hamë ushqime cilësore, por në të njëjtën kohë nuk do të na lejojë të shtojmë kalori.
Rekomandohet të bëni një plan vakti javor për të ditur paraprakisht se çfarë të gatuani dhe të bëni një listë të qartë blerjesh përpara se të shkoni në supermarket.
S’duhet të qëndrojmë pa ngrënë.
“Është mirë të sigurohemi që të konsumojmë fruta të freskëta dhe lëngje frutash, arra, kos ose drithëra, pasi të qëndruarit pa ngrënë për një periudhë të gjatë kohore do të na bëjë të ndihemi më të uritur deri në vaktin tonë të ardhshëm dhe mund të na bëjë ndiheni të dobët gjatë ditës”, thonë dietologët.
Rekomandohet të zgjidhni pije si: kafe, çaj, kamomil, sherebelë dhe të shmangni ato që përmbajnë shumë qumësht (p.sh. kafe latte), sheqer, shurup dhe krem pana.
Nëse duam të shtojmë diçka në pijen tonë, mund të zgjedhim ndonjë ëmbëlsues pa kalori dhe pak qumësht të skremuar. Sa i përket çokollatës së nxehtë, ajo duhet konsumuar me kujdes pasi mund të përmbajë sheqerna dhe yndyrna të ngopura.
