Dhoma e Tregtisë dhe Industrisë Durrës mori pjesë në eventin ndërkombëtar “Incoming Mission4 in Durrës”, organizuar në kuadër të projektit “EDEN – Ecological Development through Farming for Enhancing the Urban Environment”, i financuar nga programi Interreg IPA South Adriatic.
Ky aktivitet mblodhi së bashku partnerë nga Shqipëria dhe Italia, përfaqësues të institucioneve lokale dhe rajonale, organizata të shoqërisë civile si edhe trupën akademike, me fokus shkëmbimin e eksperiencave dhe praktikave më të mira në fushën e bujqësisë urbane, biodiversitetit dhe zhvillimit të qëndrueshëm.
Gjatë sesioneve të diskutimit, përfaqësues të Dhomës së Tregtisë dhe Industrisë Durrës prezantuan projektin HEVON si një praktikë e suksesshme në kuadër të programit Interreg South Adriatic, duke kontribuar në shkëmbimin e ideve dhe forcimin e bashkëpunimit ndërinstitucional.
Sipas organizatorëve dhe pjesëmarrësve, takime të tilla përbëjnë një hap të rëndësishëm drejt krijimit të një rrjeti bashkëpunues mes institucioneve dhe aktorëve të ndryshëm, me synim promovimin e zhvillimit të qëndrueshëm dhe mbrojtjen e biodiversitetit në rajon.
Përmes pjesëmarrjes në iniciativa të tilla ndërkombëtare, Dhoma e Tregtisë dhe Industrisë Durrës vijon të japë kontribut në nxitjen e projekteve inovative dhe në forcimin e bashkëpunimit rajonal për çështje që lidhen me mjedisin dhe zhvillimin urban të qëndrueshëm./Probizz.al
