Më 14 tetor 2026, në orën 19:00, në Qendrën Kulturore dhe Informative të Republikës së Maqedonisë së Veriut në Tiranë, do të hapet ekspozita “Ngjyrat e jetës” e artistes Teuta H. Imeri.
Përmes ngjyrës, kontrastit dhe teksturës, artistja sjell një rrëfim mbi botën e brendshme të gruas, duke eksploruar forcën, ndjeshmërinë dhe nevojën për të mos harruar veten. Veprat e saj ftojnë publikun në një dialog mbi emocionet, identitetin dhe kujdesin ndaj vetes.
Ekspozita do të mbahet në Nobis Centre, pranë Raiffeisen Bank në Tiranë. Artistët, artdashësit dhe publiku i gjerë janë të mirëpritur në këtë mbrëmje kushtuar artit dhe botës së gruas.
