Biznesmeni Mohamed Al Alabbar foli në lidhje me Portin e Durrësit ku dhe ka investuar për zhvillimin e projektit.
Në fjalën e tij në Konventa Ndërkombëtare e Turizmit, bashkëorganizuar për herë të parë në Ballkan me Organizatën Botërore të Turizmit, ai I vlerësoi njerëzit në vendin tonë si mahnitës.
Al Alabbar premtoi se do e bëjnë Portin e Durrësit më të mirë se Monaco
“Vij nga Lindja e Mesme dhe mënyra se si mendojmë ne është ndryshe. Vija jonë bregdetare është vetëm 7-10 kilometër dhe jo 460 kilometër siç është në Shqipëri. Kur pashë Shqipërinë thashë se ky është çelësi I çdo gjëje, gjeta një mjedis njerëzish të mirësjellshëm. Bëra krahasim mes Shqipërisë dhe Italisë. Pashë dhe shifrat e banesave. I vura vetes bast, i kam parë të gjithë mirësjelljet e politikanëve dhe qeveritarëve. Ka një element të rëndësishëm, kur nisëm punën në Dubai, për 15 vite njerëzit nuk kishin besim tek ne, buronin vetëm laje të këqija, por ne qëndruam këmbëngulës dhe sot ja ku është Dubai. Ne kontribuam në krijimin e pasurisë të patundshme për fqinjët tanë. Mendoj se duhet të kontribuojmë te vetëbesimi i një vendi. Në Shqipëri kam parë malet, luginat që janë bukuria e Shqipërisë. Njerëzit janë të mahnitshëm.Kam katër vite që endem rrugëve të Tiranës dhe Përmetit, nuk shikoj gjë tjetër veçse fytyra të buzëqeshura. Lini pas historitë e shkuara. Do e bëjmë projektin më të mirë se Monaco. Është detyra jonë që ta zhvillojmë më së miri këtë projekt”- tha biznesmeni.