Australia ashtu siç kishte paralajmëruar, hyn në fuqi ligji për ndalimin e rrjeteve sociale për fëmijët. Duke nisur nga 10 dhjetori i këtij viti, çdo person nën moshën 16 vjeç nuk do të lejohet të hapë llogari në platformat kryesore të rrjeteve sociale, përfshirë Instagram, TikTok, YouTube, Snapchat, Facebook dhe X.
Kompanitë që nuk e zbatojnë rregullin mund të gjobiten deri në 49.5 milionë dollarë australianë.
Sipas qeverisë ky vendim synon të mbrojë adoleshentët e rinj nga përmbajtja e dëmshme, presioni online dhe koha e tepërt para ekranit.
Shumë prindër e shohin këtë si një fitore të madhe për shëndetin mendor dhe sigurinë e fëmijëve në internet.
