Parlamenti i Britanisë së Madhe ka miratuar projektligjin për duhanin dhe produktet e cigareve elektrike, i cili parashikon ndalimin e përjetshëm të blerjes së cigareve për të gjithë personat e lindur pas 1 janarit 2009. BBC raporton se ligji synon krijimin e një “brezi pa duhan” dhe konsiderohet një nga ndërhyrjet më të mëdha në shëndetin publik ndër dekada.
Pas hyrjes në fuqi, qeveria do të ketë kompetenca të reja për të rregulluar produktet e duhanit, nikotinës dhe vaping-ut, përfshirë shijet dhe paketimin.
Ministrja e Shëndetësisë, Baroness Merron deklaroi se ligji do të shpëtojë jetë dhe do të reduktojë ndjeshëm dëmet shëndetësore nga duhani, një nga shkaqet kryesore të vdekjeve të parandalueshme në vend.
Ndër masat kryesore:
- Ndalim i përjetshëm i blerjes së cigareve për brezat e lindur pas vitit 2008
- Kufizime për “vaping” (cigareve elektrike) në makina me fëmijë, kënde lojërash, pranë shkollave dhe spitaleve
- Lejohet përdorimi në shtëpi dhe në disa mjedise të hapura
Organizatat shëndetësore e cilësuan ligjin një hap të madh për përmirësimin e shëndetit publik dhe kërkuan më shumë mbështetje për lënien e duhanit.
