Administrata Tatimore ka bërë të ditur se fermerët kanë përfituar 12.2 milionë euro kompensim përmes skemës së autofaturës, në masën 10%.
Sipas të dhënave të publikuara nga Drejtoria e Përgjithshme e Tatimeve, deri në fund të shtatorit janë regjistruar gjithsej 5,312 aplikime për përfitimin e kompensimit.
Skema synon të lehtësojë barrën fiskale për fermerët dhe të mbështesë aktivitetin e tyre bujqësor.
Administrata Tatimore u bën thirrje fermerëve që të aplikojnë deri më 31 dhjetor, përmes platformës e-Filing, për kompensimin e furnizimeve të kryera gjatë periudhës janar–qershor 2026.
