Apliko në programin e inkubimit dhe merr pjesë automatikisht në konkursin e Women Startup Competition!
Ke një ide biznesi? Do të zhvillosh një inovacion në një proces pune, apo në një biznes? Je e mirëpritur në programin e inkubimit dhe facilitimit të dedikuar për gratë dhe vajzat.
Apliko për t’u takuar dhe mentoruar me një ekip ekspertësh që po presin me padurim të njohin dhe të asistojnë në idenë tënde të biznesit. Ekspertë vendas dhe të huaj, me përvojë në fusha të ndryshme të teknologjisë, startupeve, inkubatorëve, komunikimit, strategjisë, do t’ju mbështesin në një rrugëtim një mujor inkubimi.
I gjithë ky rrugëtim do të finalizohet me kompeticionin që zhvillohet për herë të parë në Shqipëri “Women Startup Competitition”. 10 finalistët do të mund të prezantojnë idenë e tyre në këtë kompeticion para një jurie të përzgjedhur me 5 nëntor.
Eventi finalizohet me fitues që kanë mundësi të marrë pjesë në konkurset ndërkombëtare të Women Startup Competition.
Inkubatori, i cili finalizohet me konkursin e ideve më të mira, është fuqizuar dhe mbështetur nga programi i parë i mbështetjes së inkukubatorëve dhe startupeve nga Ministria për Mbështetjen e Sipërmarrjes.
Mos hezito të bëhesh pjesë e këtij komuniteti dhe Beso në idenë tënde. Mentorët besojnë te ju!
Burimi: Business Mag
