Çmimet globale të mallrave ushqimore u rritën për të dytin muaj radhazi në mars, të nxitura kryesisht nga kostot më të larta të energjisë të lidhura me përshkallëzimin e konfliktit në Lindjen e Mesme, tha Organizata e Ushqimit dhe Bujqësisë e Kombeve të Bashkuara (FAO) në një raport.
Indeksi i Çmimeve të Ushqimeve i FAO-s, i cili gjurmon ndryshimet mujore në çmimet ndërkombëtare të një shporte mallrash ushqimore të tregtuara globalisht, ishte mesatarisht 128.5 pikë në mars, 2.4 për qind më shumë se shkurti dhe 1.0 për qind mbi nivelin e tij një vit më parë.
Sipas raportit, Indeksi i Vajit Perimor të FAO-s dhe Indeksi i Çmimit të Sheqerit treguan rritjet më të mëdha, përkatësisht me 5.1 përqind dhe 7.2 përqind.
Indeksi i Çmimeve të Drithërave të FAO-s u rrit me 1.5 përqind nga muaji i kaluar, i nxitur kryesisht nga çmimet më të larta botërore të grurit, të cilat u rritën me 4.3 përqind.
Indeksi i Çmimit të Mishit u rrit me 1.0 për qind nga muaji i kaluar dhe ai i Çmimit të Orizit të FAO-s ra me 3.0 për qind në mars, sipas raportit.
FAO deklaroi se rritja e çmimeve të energjisë dhe plehrave ka rritur kostot e inputeve bujqësore.
Nëse konflikti zgjat përtej 40 ditëve, fermerët do të duhet të zgjedhin të kultivojnë të njëjtën gjë me më pak inpute, të mbjellin më pak ose të kalojnë në kultura plehrash më pak intensive, sipas kryeekonomistit të FAO-s, Maximo Torero.
Këto zgjedhje do të ndikojnë në rendimentet e ardhshme dhe do të formësojnë furnizimin me ushqime dhe çmimet e mallrave për pjesën tjetër të këtij viti dhe më tej, tha Torero./Scan
