Pandemia e COVID-19 bëri që shumë të vareshin nga ekranet e tyre. Fëmijët kanë kaluar vitin e kaluar shkollor duke shikuar kompjuterët e tyre për shkollë, socializim dhe argëtim. Me fillimin e shkollës fizikisht, prindërit mund të kenë vështirësi t’i largojnë fëmijët nga pajisjet e tyre.
Probleme me shumë kohë para ekranit
Koha e tepërt para ekranit mund të ndikojë në shëndetin fizik dhe mendor. Dr. Candice Jones, pediatre në Orlando, Florida, tha se ajo dhe kolegët e saj kanë parë raporte të shtuara për tendosjen e syve, probleme të shikimit dhe dhimbje koke tek fëmijët. Kur prindërit përpiqen të ndërhyjnë, disa fëmijë shqetësohen.
Ndërsa mund të jetë e vështirë të kuptohet kur një fëmijë ka një problem, ekspertët pajtohen që nëse ekranet bëhen gjëja më dominuese në jetën e një fëmije, është koha për të vepruar.
Nëse po ndërhyn në marrëdhëniet shoqërore midis prindërve dhe anëtarëve të familjes është një shenjë që teknologjia po bëhet dominuese. Nëse (një fëmijë) është i zemëruar ose nervoz kur i hiqen video lojërat ose kur është janë pranë atyre lojërave video, kjo është një shenjë. Nëse ata kalojnë pjesën më të madhe të ditës në teknologji ose nuk hanë apo flenë për shkak të teknologjisë, kjo është një shenjë.
Gjatë pandemisë shumë fëmijë qëndruan deri vonë duke përdorur teknologjinë në rrjetet sociale apo për të luajtur video lojëra. Prindërit mund të frenojnë përdorimin e pajisjeve të tilla gjatë natës dhe të ndihmojnë fëmijët e tyre të flenë më mirë duke pasur një vend të caktuar jashtë dhomës së gjumit për të gjitha pajisjet.
Përgatitja e fëmijëve për më pak kohë para ekranit
Nëse prindërit mendojnë se nuk dinë si ta ndihmojnë fëmijën e tyre të përdorë pajisjet më pak, ata gjithmonë mund të flasin me pediatrin ose psikologun e tyre për këshilla. Por ekspertët pajtohen se prindërit mund të ndërmarrin hapa tani për t’i ndihmuar fëmijët e tyre të përshtaten me më pak kohë para ekranit.
“Bëni një bisedë me fëmijën tuaj, një bisedë e përshtatshme për moshën dhe thoni ‘Shkolla do të vijë brenda pak javësh. Ju do të ktheheni në shkollë dhe kështu ne duhet të fillojmë përsëri me rutinën tonë dhe strukturat tona dhe rregullat e kohës së përdorimit të telefonit/kompjuterit/tabletit etj.’,”- tha Jones. Kështu ju po vendosni pritshmëri për ta. Ju po e shfaqni para tyre.
Pastaj prindërit duhet të krijojnë një orar që fillon të duket si një ditë shkollore.
Filloni të zgjoheni më herët, filloni të hani mëngjes në një kohë të ngjashme me shkollën, pastaj ndoshta të bëni ndonjë lloj aktiviteti në natyrë. Ndoshta bindini ata të bëjnë një lloj pune shkollore, qoftë leximi, qoftë të shkojnë në bibliotekë.
Por mos e lini kohën para ekranit plotësisht
Ekspertët bien dakord se prindërit nuk kanë pse të heqin dorë nga ekrani plotësisht.
Sa kohë para ekranit duhet të ketë një fëmijë ndryshon në bazë të moshës dhe ka burime që prindërit mund të përdorin për të kuptuar se sa kohë duhet të kalojë një fëmijë i çdo moshe me një pajisje.
Për disa fëmijë, pajisjet ofruan shoqërimin e tyre të vetëm gjatë pandemisë dhe ata mund të kenë frikë të jenë larg tyre. Prindërit duhet të flasin me fëmijët e tyre dhe të trajtojnë çdo lloj ankthi që mund të kenë me socilizimin ndërsa i përgatisin ata për në shkollë.
Burimi: Today
