Një grup ligjvënësish amerikanë kanë prezantuar një projektligj që do t’i kërkonte gjigantit kinez të teknologjisë ByteDance të shesë aplikacionin popullor të ndarjes së videove TikTok brenda gjashtë muajve ose do të përballet me një ndalim.
Për vite me radhë zyrtarët amerikanë kanë ngritur shqetësime se të dhënat nga aplikacioni mund të bien në duart e qeverisë kineze.
Një grup prej 19 ligjvënësish prezantoi legjislacionin të martën. Në një deklaratë që shpalli projektligjin, ligjvënësit thanë se si TikTok që kontrollohen nga kundërshtarë të huaj paraqesin një rrezik të papranueshëm për sigurinë kombëtare të SHBA.
Ndërsa TikTok e quajti projektligjin një ndalim të plotë.
Projektligji do t’i jepte ByteDance 165 ditë për të hequr dorë osë do të përballej me penalizime.
“Ky legjislacion do të shkelë të drejtat e Amendamentit të Parë të 170 milionë amerikanëve dhe do të privojë 5 milionë biznese të vogla nga një platformë ku ata mbështeten për t’u rritur dhe krijuar vende pune”, tha TikTok në një deklaratë për BBC.
Kjo është përpjekja e fundit e ligjvënësve amerikanë për të vendosur kufizime në aplikacion.
Senatorët prezantuan legjislacionin për të bllokuar aplikacionin vitin e kaluar, por masa ngeci pas lobimit nga kompania.
Përkthyer dhe përshtatur nga BBC për Probizz.al
