LinkedIn u ka thënë ligjvënësve australianë se është shumë e mërzitshme për fëmijët që të garantojnë përfshirjen e saj në një ndalim të propozuar të mediave sociale për moshat nën 16 vjeç.
“LinkedIn thjesht nuk ka përmbajtje interesante dhe tërheqëse për të miturit,” tha kompania në pronësi të Microsoft.
Qeveria australiane do të prezantojë legjislacionin “lider në botë” për të ndaluar fëmijët të aksesojnë platformat e mediave sociale.
Por kompanitë që qëndrojnë pas disa prej platformave më të njohura me të rinjtë – Meta, Google, pronari i Snapchat Snap Inc dhe TikTok – të gjitha kanë kundërshtuar ligjin e planifikuar në parashtrimet e bëra para ligjvënësve.
Kryeministri Anthony Albanese ka deklaruar se ligji i propozuar është për të trajtuar dëmin që media sociale po u shkaktonte fëmijëve australianë.
Ai tha se ishte për “nënat dhe baballarët” që si ai ishin “të shqetësuar për sigurinë e fëmijëve tanë në internet”.
Vende të tjera po vëzhgojnë nga afër se çfarë ndodh me legjislacionin me disa- përfshirë Mbretërinë e Bashkuar duke thënë se janë të hapur për të ndjekur shembullin.
Google dhe Meta kanë thënë se u duhej më shumë kohë për të shqyrtuar legjislacionin.
Përkthyer dhe përshtatur nga BBC për Probizz.al
