Meta do të hetohet për shkelje të mundshme të rregullave të përmbajtjes në internet të BE-së në lidhje me sigurinë e fëmijëve, një lëvizje që mund të çojë në gjoba të larta.
Kompanive të teknologjisë u kërkohet të bëjnë më shumë për të trajtuar përmbajtjen e paligjshme dhe të dëmshme në platformat e tyre sipas Aktit të Bashkimit Evropian për Shërbimet Dixhitale (DSA), i cili filloi vitin e kaluar.
Komisioni Evropian tha se kishte vendosur të hapte një hetim të thelluar në Facebook dhe Instagram për shkak të shqetësimeve se ata nuk kishin adresuar në mënyrë adekuate rreziqet për fëmijët.
“Komisioni është i shqetësuar se sistemet e Facebook dhe Instagram, mund të stimulojnë varësinë e sjelljes tek fëmijët, si dhe të krijojnë të ashtuquajturat ‘efekte të vrimës së lepurit’“, tha ekzekutivi i BE-së në një deklaratë.
“Përveç kësaj, Komisioni është i shqetësuar edhe për metodat e sigurimit të moshës dhe verifikimit të vendosura nga Meta”. Shkeljet mund të çojnë në gjoba deri në 6% të qarkullimit vjetor global të një kompanie.
Reuters
