Më shumë se 100 mijë punëtorë në Britani kanë kaluar në një javë pune katër-ditore me orar të plotë që nga pandemia. Kjo shënon një revolucion në botën e punës të frymëzuar nga COVID, sipas një analize të Zyrës së Statistikave Kombëtare.
Gati 1.4 milion njerëz deklaruan se punonin me orar të plotë në katër ditë të javës midis tetorit dhe dhjetorit 2024, një rritje prej më shumë se 100 mijë krahasuar më të njëjtën periudhë në vitin 2019 kur 1.29 milion raportuan këtë orar pune.
Aktivistët dhe disa ekonomistë shprehën se një javë katër ditore u sjell dobi punëtorëve duke u dhënë më shumë kohë për tu çlodhur, më pak ngarkesë mendore. Ndihmon bizneset duke e bërë stafin e tyre më të motivuar dhe duke lehtësuar rekrutimin dhe mbajtjen e tyre.
Nuk bëhet e qartë nga shifrat nëse ata që përfitojnë nga javët më të shkurtra të punës kanë paga më të ulta.
