Shumica e njerëzve nuk mund të ngrihen nga shtrati me sytë gjysmë të mbyllur, derisa të pinë gllënjkën e parë të kafesë.
Ekziston një lodhje e vërtetë që i bën shumë njerëz të kërkojnë një mënyrë për të filluar me energji dhe vitalitet që nga minuta e parë që zgjohen, dhe jo pas një ose dy orësh.
Nëse ndiheni më shumë si zombi në mëngjes, atëherë nuk keni asgjë për të humbur duke provuar mënyra për ta filluar ditën plot energji.
Ushtrimet fizike
Studiuesit nga Universiteti i Bristolit zbuluan se njerëzit që ushtroheshin kishin më shumë energji dhe një qëndrim më pozitiv. Lëvizja e trupit për më shumë se 10 minuta çliron një neurotransmetues që e bën trurin tuaj të ndihet më i qetë dhe i mban impulset nën kontroll. Ushtrimet fizike mund të ndihmojnë në ruajtjen e vetëkontrollit, i cili, sipas Universitetit të Nottinghamit, është i lidhur me energjinë.
Pini ujë me limon
Sapo të zgjoheni, shkoni në kuzhinë dhe shtrydhni një limon. Kjo ju jep një energji të qëndrueshme dhe natyrale gjatë gjithë ditës, ndërkohë që përmirëson edhe përthithjen e lëndëve ushqyese në stomak. Për të siguruar përthithjen e plotë, duhet të konsumohet me stomak bosh. Gjithashtu duhet të prisni 15 deri në 30 minuta para se të hani dhe nuk duhet ta konsumoni pa ujë sepse ju konsumon dhëmbët.
Mos shiko asnjë ekran para mëngjesit.
Mos e hap telefonin, mos kontrollo email-et, mos shfleto Facebook-un. Në ato momente të çmuara të mëngjesit të hershëm, do të ishte një ide e mirë të bëje diçka qetësuese dhe relaksuese. Kontrollimi i email-eve është shumë stresues, kështu që dita nuk fillon në mënyrën ideale.
Hani një mëngjes të vërtetë
Të hash në mëngjes është si të ndezësh një makinë. Njerëzit që hanë mëngjes kanë më pak gjasa të jenë obezë, kanë nivele më të qëndrueshme të sheqerit në gjak dhe kanë tendencë të jenë më pak të uritur gjatë gjithë ditës. Plus, je më energjik dhe gati për punë.
Mos bëni shumë gjëra së bashku.
Me njërën dorë bën kafe dhe me tjetrën vishesh. Çfarëdo që të duhet të bësh në mëngjes, bëje një nga një. Mund të mendosh se kjo të kursen kohë, por nuk është e vërtetë. Nuk do ta bësh diçka mirë dhe për më tepër, nëse diçka shkon keq, stresohesh dhe dita fillon keq.
Vendosni objektiva për ditën tuaj.
Hulumtimet kanë treguar se ata që e planifikojnë ditën e tyre në mëngjes, duke vendosur objektiva, kanë më shumë vetëbesim dhe i arrijnë ato, pa humbur kohë. Nëse mendoni se njëri prej tyre është më i ndërlikuar, ndajeni në hapa dhe ndiqini ato ngadalë.
