Një dekadë pas revolucionit të ushqimit të shëndetshëm të shpejtë, zinxhiri i njohur po përballet me rënie të shitjeve, humbje dhe një strategji automatizimi të rishikuar, duke krijuar pasiguri tek investitorët.
Performanca financiare e kompanisë po përkeqësohet edhe më shumë, me një rënie prej 9.5% në shitje.
Sweetgreen e kishte revolucionarizuar industrinë e ushqimit të shpejtë pas themelimit në vitin 2007, duke dëshmuar se ushqimi i shëndetshëm mund të ishte i arritshëm.
Megjithatë, kompania ende nuk ka arritur të gjejë formulën për të gjeneruar fitim, dhe investitorët po i kthejnë shpinën; çmimi i aksioneve të saj ka rënë me më shumë se 80% këtë vit.
Sweetgreen ka qenë e fokusuar në automatizim pasi bleu në vitin 2021 Spyce, një kompani restorantesh nga Bostoni që zhvilloi teknologji robotike kuzhine dhe transportues.
Edhe pse Sweetgreen do të vazhdojë të përdorë teknologjinë e automatizuar, ajo njoftoi, gjatë raportimit të të ardhurave për tremujorin e tretë, se do të shiste Spyce për 186.4 milionë dollarë kompanisë Wonder. Jonathan Neman, themelues dhe CEO i Sweetgreen, tha gjatë një takimi me investitorët se ky hap do t’i lejonte kompanisë të ulë kostot operative dhe të forcojë themelet e saj financiare për të ardhmen.
Përkthyer dhe përshtatur nga CNBC për Probizz.al
