Riga, Letoni
Arsyeja pse qyteti letonez mbetet nje perlë e fshehur të zgjon një interes për ta zbuluar. Rrugët me kalldrëm të Vecrigas dhe arkitektura elegante e bëjnë atë një nga qytetet më të bukura në Evropën Lindore.
Mbrëmjet e gjata të verës, me temperatura që rrallë kalojnë 30 gradë celcius, bare nëpër cati të ndryshme me dj live si dhe koncerte në natyrë me parqe. Plazhet e bukura me rërë të bregdetit Jurmala janë vetëm gjysëm orë larg me makinë.
Antwerp, Belgjikë
Kushdo që mendon se Belgjika është e mërzitshme, nuk ka qenë kurrë në Antwerp. Një qytet artistik dhe interesant, i mbushur me bare, kafene dhe galeri arti që i japin jetë dhe gjallëri ditëve të verës.
Në fundjavat me diell, plazhi Sint-Anneke mbushet me vendas që shijojnë notin dhe midhjet përgjatë bregut të lumit Scheldt.
Parqet dhe hapësirat e hapura kthehen në teatër rruge, shfaqje cirku, kinema, vëcanërisht gjatë festivalit të arteve Zomer Van Antwerpen (19 qershor-31 gusht).
Bolzano , Itali
Bolzano, pjesë e Tirolit të Jugut, një bashkim i arkitekturës dhe historisë gjermane me kulturen dhe kulinarinë italiane.
I vendosur mes majave spektakolare të Dolomiteve, është një perlë. I rrethuar me vreshta, pllaja malore të harlisura ofron një nga skenat verore më të mira muzikore në Europë.
Adhuruesit e xhazit duhet ta vizitojnë midis 27 qershorit dhe 6 korrikut, kur mbahen më shumë se 50 koncerte në të gjithë rajonin. Atraksioni më i madh historik në Bolzano është Otzi, një njeri i mumifikuar 5300 vjecar, i gjetur nga alpinistët në vitin 1991 dhe i ekspozuar në Muzeun e Arkeologjisë së Tirolit Jugor.
Përkthyer dhe përshtatur nga The Guardian për Probizz.al
