Në mes të gjelbërimit, vetëm 35 kilometra larg Tiranës, ndodhet Vila Disha, vendi perfekt për ata që kërkojnë qetësi, ushqim tradicional dhe natyrë të bukur.
I mbushur me nostalgji për vendin ku kishte kaluar fëmijërinë e tij, Besmir Disha, një emigrant i hershëm, vendosi të investojë në Shën Gjergj, duke hapur kështu biznesin e tij familjar.
![](https://probizz.al/wp-content/uploads/2022/01/8C7F58B1-F1E8-4AC5-8D1B-4C5035297965-1024x768.jpeg)
Vila, e hapur në vitin 2019 pas restaurimit të shtëpisë së vjetër, e trashëguar ndër breza, përmban aktualisht 6 dhoma mjaft komode dhe me të gjitha kushtet e nevojshme, në të cilat mund të akomodohen rreth 20-22 persona.
![](https://probizz.al/wp-content/uploads/2022/01/WhatsApp-Image-2021-12-27-at-10.17.59-1024x768.jpeg)
![](https://probizz.al/wp-content/uploads/2022/01/WhatsApp-Image-2021-12-27-at-10.17.58-1024x768.jpeg)
![](https://probizz.al/wp-content/uploads/2022/01/WhatsApp-Image-2021-12-27-at-10.17.55.jpeg)
Pranë vilës, në maj të 2021 është hapur dhe restoranti, në të cilin serviren me shumë pasion dhe dashuri ushqimet e shijshme 100% bio të zonës. Atmosfera që krijohet në restorantin e tyre është mishërim i mikpritjes dhe traditës, duke u kujdesur që të gjithë vizitorët të shijojnë çdo çast në ambientet e tyre.
![](https://probizz.al/wp-content/uploads/2022/01/WhatsApp-Image-2021-12-27-at-10.17.58-1-1024x768.jpeg)
![](https://probizz.al/wp-content/uploads/2022/01/WhatsApp-Image-2021-12-27-at-10.18.06-1024x768.jpeg)
Këtë e aprovojnë dhe turistët e shumtë, vendas dhe të huaj, kryesisht nga Evropa: Hollanda, Belgjika, Gjermania, Austria, Polonia dhe nga Amerika, Anglia dhe Arabia Saudite.
![](https://probizz.al/wp-content/uploads/2022/01/WhatsApp-Image-2021-12-27-at-10.18.01-768x1024.jpeg)
Detaji më interesant në ambientin e restorantit është oxhaku i ngritur në mës të tij, që jep një shfaqje të mrekullueshme të zjarrit.
![](https://probizz.al/wp-content/uploads/2022/01/WhatsApp-Image-2021-12-27-at-10.18.03-1024x768.jpeg)
Vilën ku është ndërtuar bujtina, Z. Disha do ta quante një shtëpi muze, pasi ajo ka qenë bazë e luftës Antifashiste Nacional Çlirimtare. Dhjetëra italianë apo njerëz të tjerë që u larguan prej luftës dhe nuk kishin ku të qëndronin gjetën strehë aty.
![](https://probizz.al/wp-content/uploads/2022/01/94EA101B-5C4E-4F2A-9120-FE68D3C5F3B5-1024x768.jpeg)
Shën Gjergji është një zonë perfekte për të apasionuarit pas natyrës, një zonë ku je i rrethuar nga të katërta anët me gjelbërim në stinën e pranverës dhe me bardhësinë e mrekullueshme të borës në dimër. Teksa ekploron vendet e shumta që mund të vizitohen aty, siç janë Ujëvara e Shën Gjergjit, Ujëvara e Shtogut, Mali me Gropa, liqeni i Lepurit, liqeni i Bixës, fshati i Bixës, liqeni i Shën Mërisë dhe Ballkoni i Shën Gjergjit, mund të shijosh ajrin e pastër dhe të praktikoni sportin tuaj të preferuar, hiking.
Vizitoni faqen e tyre në Instagram @viladisha dhe nxitoni të prenotoni për të kaluar një ditë ndryshe nga të tjerat, larg zhurmave, në mes të qetësisë dhe relaksit që të fal natyra e bukur shqipare./ProBizz.al