Një tjetër media që i ka bërë jehonë turizmit shqiptar është agjensia italiane e lajmeve AGI e cila e konsideron si një ndër destinacionet më të njohura turistike për verën e vitit 2023. Sipas saj turistët e shumtë e kanë zgjedhur për koston e ulët dhe detin e kristaltë .
“Një nga arsyet kryesore pse është bërë një destinacion kaq popullor veror është kostoja e ulët. Krahasuar me destinacionet e tjera turistike europiane, çmimet në Shqipëri janë përgjithësisht më të ulëta, si për akomodimin ashtu edhe për ushqimet dhe aktivitetet.
Kjo do të thotë që udhëtarët mund të shijojnë një përvojë me cilësi të lartë, pa e prishur buxhetin. Me plazhet e tij të pacënuara, qytetet historike dhe peisazhet befasuese, vendi po tërheq një numër në rritje udhëtarësh që kërkojnë aventura autentike dhe vende jashtë rrugës së rrahur turistike, thotë AGI.
