Vendi ynë është në rrugën e duhur për të marrë edhe titullin “Mbretëresha e Turizmit 2024”. Kështu shkruan gazeta italiane “La Gazzetta del Mezzogiorno” sipas së cilës disa hotele në Sarandë janë të rezervuara që tani për muajin gusht. Po ashtu edhe resortet e mëdha në Vlorë janë prenotuar për vitin e ardhshëm. Sipas presidentit të Unionit Shqiptar të Turizmit, Rrahman Kasa, operatorët turistike raportojnë një rritje prej 35 % të rezervimeve për 2024-ën.
Media italiane rendit disa arsye psë Shqipëria është e suksesshme sa i përket turizmit.
Vendi ynë është lehtësisht i aksesueshëm, falë linjave ajrore Itali-Shqipëri. Një tjeter faktor është planifikimi. Qeveria e drejtuar nga Edi Rama ka nënshkruar një marrëveshje me “ITB Berlin”, panairin më të madh të turizmit në botë.
Shqipëria do të jetë gjithashtu organizatore e takimit të 70-të të Komisionit për Evropën të Organizatës Botërore të Turizmit, që do të zhvillohet në pranverë në Tiranë me pjesëmarrjen e 40 ministrave evropianë të Turizmit.
