Milionerët në vendet e BRICS do të të shtohen gjatë dekadës së ardhshme duke kontribuar në rritjen më të madhe të pasurisë në çdo grup kombesh, sipas një raporti të fundit nga Henley & Partners.
Numri i milionerëve në vendet BRICS të cilat së bashku zotërojnë 45 trilion dollarë pasuri të investueshme parashikohet të rritet me 85 % gjatë 10 viteve të ardhshme, vuri në dukje konsulenca e migracionit të investimeve në raportin e saj të publikuar në partneritet me firmën globale të inteligjencës New World Wealth.
Blloku BRICS, i cili përbëhet nga Brazili, Rusia, India, Kina dhe Afrika e Jugut, është zgjeruar për të përfshirë Egjiptin, Etiopinë, Iranin, Emiratet e Bashkuara Arabe këtë vit, me Arabinë Saudite që gjithashtu do t’i bashkohet bllokut.
Aktualisht, ka 1.6 milionë individë me asete të investueshme prej më shumë se një milion në grup.
“Parashikimi 85% për BRICS do të jetë rritja më e lartë e pasurisë së çdo blloku apo rajoni në nivel global”, tha për CNBC Andrew Amolis, analist i pasurisë në New World Wealth.
Në krahasim, Grupi i Shtatë (G7), i cili mbante 110 trilion dollarë pasuri të investueshme që nga dhjetori 2023, pritet që numri i milionerëve në rajon të rritet me 45% gjatë dekadës së ardhshme
G7 është një koalicion i ekonomive të përparuara të botës, që përfshin Kanadanë, Francën, Japoninë, Italinë, SHBA-në, Mbretërinë e Bashkuar dhe Bashkimin Evropian.
“BRICS po sfidon rendin botëror dhe po e vendos veten si një rival i fuqishëm i G7 dhe institucioneve të tjera ndërkombëtare,” tha gjatë një prezantimi, Partneri Menaxhues i Henley & Partners dhe Shefi i Azisë Juglindore, Dominic Volek.
India kryeson në zgjerimin e pasurisë, me një rritje prej 110 % të pasurisë për frymë deri në vitin 2033, e ndjekur nga Arabia Saudite, ku pasuria për frymë parashikohet të zgjerohet me mbi 105% gjatë të njëjtës periudhë. Emiratet e Bashkuara Arabe janë të gatshme për një rritje prej 95%, ndërsa pasuria e Kinës dhe Etiopisë pritet të rritet përkatësisht me 85% dhe 75%.
Përkthyer dhe përshtatur nga CNBC për Probizz.al
