Inspektorati Shtetëror i Punës ka pranuar një numër të madh ankesash nga punëmarrësit në vitin 2023. Këto ankesa përfaqësojnë shqetësimet e tyre në lidhje me zbatimin e kodit të punës. Nga totali i 800 ankesave dhe kërkesave të depozituara në Inspektoratin Shtetëror të Punës gjatë këtij viti, 82.5% janë ankesa dhe denoncime nga punëmarrësit, ndërsa 17.5% janë kërkesa për informacion dhe sqarime ligjore, tregues i transparencës institucionale dhe besimit në informacion.
Numri më i lartë i ankesave të adresuara dhe të trajtuara nga Inspektorati Shtetëror i Punës janë për shkelje të të drejtave dhe mospërmbushje të detyrimeve të punëdhënësve kundrejt punëmarrësve. Këto ankesa përfshijnë çështje si mospagesa për punë të kryer në ditët e festave zyrtare, ditë të pushimit javor, punë të kryer në orë shtesë, moslidhje kontrate pune dhe çështje të ngjashme.
Në veçanti, mospagesa e pagave të prapambetura ka qenë problemi kryesor, me 177 ankesa, ndjekur nga cënimi i marrëdhënieve të punës, për të cilin janë regjistruar 129 ankesa, dhe më pas, ndërprerja e marrëdhënieve të punës me 110 ankesa.
Të punësuarit në vend kanë ndërprerë ankesa për probleme të tjera si mospagesa e kontributeve të sigurimeve shoqërore, punësimi i paligjshëm, mos zbatimi i kontratave kolektive dhe pushimeve kolektive, mos lidhje kontrate dhe mosrespektimi i orëve të punës, mospagesa e raporteve mjekësore, kushte të pasigurta pune etj.
Drejtoritë Rajonale janë përfshirë në trajtimin e këtyre ankesave, me Drejtorinë e Tiranës që merr përsëritës më të mëdha, me 64%, ndjekur nga Rajoni i Vlorës me 8%, Rajoni i Korçës me 4%, Rajoni i Shkodrës me 3%, Rajoni i Gjirokastrës me 1%, Rajoni i Dibrës me 1%, dhe Drejtoria Qendrore që trajton 19% të ankesave për informim dhe sqarime ligjore.
Marrë nga Businessmag
