Shoqata e Turizmit Mjekësor Shqiptar (AMTA) organizoi me sukses më 22 Nëntor 2025, në ambientet e Hotel Marriott Tiranë, Samitin e Parë të Turizmit Mjekësor Shqiptar “WHY ALBANIA 2025”, një ngjarje historike që shënon një hap të rëndësishëm në zhvillimin strategjik të turizmit shëndetësor dhe dentar në vend.
Eventi mblodhi së bashku 140 pjesëmarrës, profesionistë nga fusha dentare, estetike, okulistike, wellness, menaxherë klinikash, operatorë turistikë, kompani teknologjike, investitorë dhe përfaqësues institucionalë nga Shqipëria, rajoni dhe Europa. Në këtë samit morën pjesë gjithashtu 24 panelistë të mirënjohur dhe drejtues institucionesh, të cilët ndanë ekspertizën e tyre dhe vizionin për të ardhmen e sektorit.
Ceremonia u çel me fjalë përshëndetje nga përfaqësues të Ministrisë së Shëndetësisë,
dhe nën kryetarja e AMTA-s, Dr. Merita Osmani, e cila theksoi nevojën urgjente të standardeve të larta etike dhe profesionale për të rritur besimin te pacientët ndërkombëtarë.
Programi i samitit përfshiu 7 panele të fokusuara në çështjet kyçe të sektorit, ndër to:
▪ Cilësia & Akreditimi
Institucione kryesore shëndetësore prezantuan prioritetet e tyre në ndërtimin e standardeve dhe akreditimit për ekselencë mjekësore.
▪ Bashkëpunimi Ndërinstitucional
Aktorë nga sektori publik, privat dhe organizata rajonale theksuan rëndësinë e bashkëpunimit për rritjen e turizmit mjekësor.
▪ Turizmi Dentar
Klinikat lider shqiptare prezantuan potencialin e jashtëzakonshëm konkurrues të Shqipërisë në tregun global të turizmit dentar.
▪ Estetikë & Wellness
Inovacionet teknologjike, investimet dhe tendencat moderne në estetike dhe mirëqenie u sollën për diskutim nga ekspertë të fushës.
▪ Shëndeti & Kirurgjia
Përfaqësues klinikash okulistike, kirurgjikale dhe të transplantit të flokëve prezantuan performancën e tyre në tregun ndërkombëtar.
▪ Turizmi & Promovimi
Operatorë turistikë dhe drejtues kompanish diskutuan mbi promovimin e Shqipërisë si destinacion shëndetësor.
▪ Marketing, Teknologji & Punësim
Diskutime mbi nevojat e tregut, fokusin te digitalizimi, branding-u dhe mungesën e fuqisë punëtore të specializuar.
Rezultatet e Eventit
Samiti u vlerësua nga pjesëmarrësit për:
• Organizim të shkëlqyer dhe standard profesional të lartë
• Mundësi reale networking-u dhe bashkëpunimi
• Diskutime me përmbajtje konkrete dhe orientuese
• Përfaqësim të gjerë të sektorëve kyç brenda turizmit mjekësor
Eventi përfundoi me një Ceremoni Mbylljeje dhe Koktej Rrjetëzimi, ku u dha edhe ftesa zyrtare për edicionin 2026, duke konfirmuar se ky samit do të kthehet në një traditë vjetore të sektorit.
⸻
Qëllimi i AMTA
AMTA mbetet e angazhuar në:
• ngritjen e standardeve profesionale për shërbimet mjekësore;
• forcimin e bashkëpunimit publik-privat;
• promovimin e Shqipërisë si destinacion konkurrues në turizmin mjekësor dhe dentar;
• krijimin e mundësive të reja ekonomike dhe punësimi për vendin.
Për më shumë informacion:
Albanian Medical Tourism Association (AMTA)
www.amta.al
info@amta.al
