Historia e radhës në Probizz.al është frymëzuese. Nga një biznes familjar, i riu Mateo Pojana zgjeron aktivitetet në disa fusha me guximin për t’u zhvilluar dhe zgjeruar. Rrugëtimi i tij është një shembull i qartë se si një bazë familjare e fortë, e kombinuar me vizion, punë dhe pasion, mund të shndërrohet në një udhëtim të suksesshëm në sipërmarrje.
Gjithcka nisi në vitin 1996, kur familja e Mateo Pojana hapi një biznes të thjeshtë familjar me enë kuzhine dhe suvenire. Ishte një kohë tjetër, me sfida të mëdha për sipërmarrjen private, por përkushtimi dhe këmbëngulja e familjes e bënë këtë biznes të gjejë vendin e tij në treg dhe të ndërtojë një bazë të qëbndrueshme besimi tek klientët. Ky ishte hapi i parë i një historie që më vonë do të merrte një drejtim tjetër.
Me kalimin e viteve sipërmarrësi u bë pjesë aktive e zhvillimit të këtij biznesi familjar. Por ai nuk u ndal vetëm aty, me vizionin për tu zgjeruar dhe me dëshirën drejt inovacionit, ai nisi të ndërtojë projekte të reja.
Një prej tyre është Dhurata_Bellissima, një koncept modern i personalizimit të produkteve. Ky biznes i jep klientëve mundësinë të shprehin individualitetin e tyre përmes dhuratave dhe objekteve të personalizuara, duke filluar nga veshjet, çelësat, trofetë, kornizat, çakmakët, telefonat dhe shumë produkte të tjera. Çdo objekt mund të marrë një vlerë emocionale kur bëhet unik dhe i përshtatur sipas dëshirës së klientit.
Një tjetër drejtim i rëndësishëm i angazhimit të tij është edhe shërbimi i makinave me qira përmes platformës Dua_makina_me_qera. Ky shërbim është kthyer në një zgjidhje të besueshme si për turistët që vizitojnë vendin ashtu edhe për banorët vendas që kanë nevojë për një automjet për arsye të ndryshme. Fleksibilieti dhe lehtësia e bëjnë një pikë referimi në lëvizshmërinë urbane dhe turistike.
Pasioni i Mateo Pojanës vazhdon më tej në fushën e fotografisë përmes Foto Studio Bellissima, një studio që ofron shërbime profesionale fotografike për çifte, djem , vajza dhe fëmijë.
Çdo set fotografik trajtohet me kujdes artistik dhe profesional, duke synuar të kapë momente të veçanta dhe t’i kthejë ato kujtime të paharrueshme.
Një sipërmarrës si Mateo kërkon shumë nga vetja, që nuk kënaqet me arritjet e momentit, por shikon përpara drejt mundësive të reja. Në çdo hap të tij vihet re guximi për të ndërmarrë iniciativa të reja dhe për të eksploruar fusha të ndryshme të sipërmarrjes.
