Më 30 maj përfundon afati për zbatimin e detyrimit për pranimin e pagesave pa para në dorë përmës pajisjeve POS/POI, në një sërë sektorësh të ekonomisë.
Kjo është bërë e ditur nga Drejtoria e Përgjithshme e Tatimeve përmes një njoftimi zyrtar. Ky detyrim përfshin strukturat akomoduese, shërbimet e transportit , institucionet dhe shoqëritë publike me capital shtetëror të cilat duhet të sigurojnë funksionimin e sistemeve të pagesave elektronike në pikat e tyre të shitjes.
Administrata tatimore thekson se ky hap synon rritjen e transparencës në transaksione, përmirësimin e shërbimit ndaj qytetarëve dhe forcimin e formalizimit të ekonomisë në vend.
Gjithashtu, përdorimi i pagesave cashless pritet të sjellë më shumë efikasitet në ofrimin e shërbimeve dhe të reduktojë nivelin e informalitetit.
