Kontributi i palëkundur në ekonomi 161,000 ton prodhim!
Anio Oil and Gas Sh.A është një kompani e themeluar në vitin 2014, e fokusuar në prodhimin dhe tregtimin e naftës brut dhe gazit natyror në Shqipëri. Një kompani e angazhuar të ofrojë një zhvillim të qëndrueshëm dhe të përgjegjshëm, ku parimet e biznesit janë në përputhje të plotë me konceptet për një mjedis të pastër, të sigurt dhe, mbi të gjitha, duke respektuar njerëzit në zonat ku ne ushtron aktivitetin.
Në thelb të filozofisë, kompania zotohet të zhvillojë një biznes fitimprurës, por njëkohësisht të përgjegjshëm kundrejt të gjithë aktorëve dhe faktorëve që e rrethojnë. “Anio Oil and Gas Sh.A” angazhohet të sjellë mirëqenie dhe të ofrojë punësim për komunitetin lokal në zonat operon, por jo vetëm. Përmes taksave lokale për mjedisin dhe pastrimin, synon të ndihmojë në përmirësimin e jetës së banorëve të këtyre zonave dhe njëkohësisht të ndihmojë pushtetin vendor.
Të dhënat e kompanisë për periudhën gjashtëvjeçare 2018-2024 dokumentojnë një prodhim total prej 161 mijë tonësh të realizuar nga Anio Oil and Gas Sh.A. Nga ky total, një pjesë prej 133.5 mijë tonësh është shpërndarë nëpërmjet tregtisë me kompani të tjera, ndërsa një vëllim prej 37.3 mijë tonësh është dorëzuar për “Albpetrol”.
Këto shifra nuk janë thjesht numra, por janë dëshmi e angazhimit të kompanisë së themeluar nga sipërmarrësi Alban Peza, për një kontribut të qëndrueshëm në ekonominë vendase.
TRANSPARENCA, THEMEL I BESIMIT
Për“Anio Oil and Gas Sh.A”, transparenca është një nga kriteret kryesore për të bërë biznes të qëndrueshëm dhe, si i tillë, ky kriter respektohet me rigorozitet.
POZICIONI STRATEGJIK DHE PËRPARËSITË LOGJISTIKE
Shqipëria është e pozicionuar në pjesën perëndimore të Gadishullit të Ballkanit në Europën Juglindore. Sipas Administratës Amerikane të Informacionit mbi Energjinë, rajoni i Ballkanit ka një sasi shumë të madhe rezervash nafte, ku sasia më e madhe e naftës ndodhet në Shqipëri, e ndjekur nga Serbia dhe Kroacia.
I pozicionuar në qendër të Shqipërisë, vendburimi i Ballsh-Hekalit ku operon “Anio Oil and Gas Sh.A” ka akses të drejtpërdrejtë në dy portet kryesore të vendit, Durrësit dhe Vlorës, si dhe në dy porte industriale, të cilët janë ndërtuar posaçërisht për produktet e naftës dhe gazit natyror. Kjo ofron një sërë përparësish logjistike:
• Porti i Durrësit – i vendosur 100 Km nga vendburimi i Ballsh-Hekalit, është porti më i madh dhe më i rëndësishëm në Shqipëri. Ai shërben si portë hyrëse për në Korridorin VIII, mbulon 81.8% të transportit detar të vendit dhe ka kapacitet për të procesuar 4 milionë tonë mallra në vit.
• Porti i Vlorës – i vendosur vetëm 65 Km nga vendburimi I Ballsh-Hekalit, është porti i dytë më i madh në Shqipëri dhe përdoret kryesisht për transport udhëtarësh.
• Porti Porto Romano – i vendosur 115 Km nga vendburimi i Ballsh-Hekalit, ofron infrastrukturë që lejon depozitimin dhe shitjen e naftës, gazit natyror dhe nënprodukteve të tyre.
• Porti Petrolifera – i vendosur 65 Km nga vendburimi , është një terminal i ndërtuar posaçërisht për tregtimin e naftës bruto, gazit dhe nënprodukteve të tyre në gjirin e Vlorës. Ai ofron dalje direkte në Detin Mesdhe, garanton akses në Korridorin VIII dhe është i pozicionuar në afërsi strategjike të rafinerive Greke dhe Italiane.
