Pordenone, Itali – Comferut ShPK, një nga aktorët kryesorë në tregun shqiptar për aksesorë dhe materiale për mobilje, mori pjesë si vizitor në panairin ndërkombëtar “SICAM” në Pordenone, Itali. Kjo ekspozitë është një nga eventet më prestigjioze në Evropë për sektorin e aksesorëve të mobiljeve, ku inovacionet më të fundit i prezantojnë kompanitë më të njohura italiane dhe evropiane.
Qëllimi i pjesëmarrjes së Comferut ShPK në këtë event të rëndësishëm ishte ndërtimi dhe përforcimi i marrëdhënieve direkte me partnerët ekzistues, si dhe njohja nga afër i tendencave më të reja të tregut.
Theks i veçantë u vu në vizitat te furnitorët me të cilët kompania bashkëpunon prej viteve, shumë prej të cilëve ekspozonin me stendat e tyre në SICAM dhe të gjithë kanë zgjedhur Comferut ShPK si përfaqësues të tyre ekskluziv në Shqipëri.
“SICAM është panairi më i rëndësishëm për ne, ku kemi mundësinë të takohemi me partnerët tanë. Pranimi ynë atje dëshmon për përkushtimin e kompanisë për t’i ofruar tregut tonë produktet më cilësore dhe inovative në botë,” tha CEO i Comferut ShPK Z. Ergys Dhamo.
Në fokusin e takimeve dhe vëzhgimeve ishin disa nga markat më prestigjioze në industri:
• Maco Srl: Lider italian në prodhimin e pushave për kanata dhe një gamë të gjerë aksesorësh të tjerë, partner zyrtar i Comferut ShPK që nga viti 2013.
• CEAM Italia: Specializuar në prodhimin e menteshave inkaso për dyer, me gamën më të gjerë në treg për peshëmbajtje nga 40 kg deri në 320 kg. Produktet e tyre mbajnë certifikatat ndërkombëtare UNI EN ISO 9001:2015 dhe rezistencë ndaj zjarrit, të përshtatshme për hotele ndërkombëtare me standarde të larta.
• Sisco Sistem Line: Një emër i njohur për sistemet rrëshqitëse për dyer dhe mobilje, të karakterizuara nga një gamë e gjerë dhe cilësi e lartë, me mekanizma të certifikuara nga CATAS.
• Danco Spa: Një nga prodhuesit e vërtetë italianë të menteshave “Made in Italy”, i njohur për raportin e jashtëzakonshëm cilësi-çmim në tregun evropian.
• Lambert Srl: Ofron një gamë të gjerë profilesh alumini dekorative për aplikime të ndryshme në arredim, si dyer, mobilje, veshje muri dhe hotele.
• Collanti Concorde: Lider italian në prodhimin e ngjitësve për mobilje, duke prezantuar në SICAM një gamë të plotë produktesh, duke përfshirë ngjitës “hot melt” për bordatrice, poliuretanik, vinil (D2, D3, D4) dhe për rimeso. Comferut ShPK është distributor ekskluziv për Shqipërinë.
• Intes: Fabrikë italiane, lider evropian në prodhimin e llastikëve për tapicerinë e divaneve, e cila tashmë është e pranishme në Shqipëri përmes përfaqësisë ekskluzive të Comferut ShPK.
Pjesëmarrja e suksesshme e Comferut ShPK në SICAM konfirmon pozitën e saj si një ndërmjetës i besueshëm dhe me reputacion në treg. Besimi që i është dhënë nga këto kompani ndërkombëtare me prestigj për përfaqësi ekskluzive dëshmon për përkushtimin e kompanisë shqiptare për cilësinë, profesionalizmin dhe zhvillimin e vazhdueshëm.
Rreth Comferut ShPK:
Comferut ShPK operon në tregun shqiptar që nga viti 2013, duke u specializuar në shitjen me shumicë dhe pakicë të aksesorëve dhe materialeve të larta të cilësisë për industrinë e mobiljeve. Duke shërbyer si një furnizues cilësor për prodhuesit dhe dyqanet, kompania ofron një gamë të gjerë produktesh nga markat më të njohura botërore, duke kontribuar në ngritjen e standardeve të prodhimit lokal dhe ofrimin e produkteve të cilësisë së lartë për konsumatorin shqiptar. Në sajë të pjesmarrjes në këtë panair, Comferut ShPK, pritet të krijoje dhe të tjera partneritete me kompani të njohura ndërkombëtare për të ofruar për tregun shqiptar cilësinë më të lartë dhe gamë të zgjeruar aksesorësh dhe materialesh.
