“Nuk do të jetë e largët dita që vendi ynë do të jetë eksportuesi i energjisë.”
E ndërsa energjia vijon të jetë edhe këtë vit kryefjalë për bizneset dhe qeverinë, ekspertët thonë se në Shqipëri ka nevojë për diversifikim të sistemit energjitik.
Eksperti i Energjisë Z. Azmer Duleviç shpjegon përfitimet e diversifikimit e konkretisht përfitimet që vijnë nga energjia solare madje kjo do ta bënte vendin një eksportuese të energjisë.
“Cfarë kuptojmë me diversifikim? Me diversifikim do të kuptojmë le të themi format e tjera alternative të prodhimit të energjisë sic është energjia fotovoltaike, ekolike dhe fokusi për mendimin tim duhet të jetë tek energjia solare ose fotovoltaike për prodhimin e energjisë. Pse? Sepse vendi ynë është një vend që ndodhet në mesdhe, ka shumë ditë me diell, temperaturat janë të favorshëm për implementimin e këtyre paneleve he ka mbi 300 ditë me diell. Cfarë do të thotë? Nëse fokusi do të jetë tek energjia solare fotovoltaike, gjatë verës kur ne kemi mungesë reshjesh patjetër do të prodhohet energji nga panelet fotovoltaike dhe gjatë dimrit nga hidrocentralet. Pra, do të bëhet një kombinim dhe nëse fokusi do të jetë tek energjia solare, nuk do të jetë e largët dita që vendi ynë do të jetë një vend eksportues i energjisë, pra do të shesim energji pasi të kemi plotësuar patjetër nevojat e brendshme të vendit edhe jashtë. Pra, do të gjenerohen të ardhura,”- thotë eksperti.
Vec prodhimit të energjisë elektrike, panelet fotovoltaike janë mjaft të pranueshme për mjedisin.
“E dyta ose le të themi pika e dytë që panelet fotovoltaike duhen mbështetur dhe duhen implementuar në vendin tonë është sepse janë ekologjike, pra nuk e ndotin ambientin si rasti në fjalë që mund të jenë tecet ose këto anijet lundruese që kanë diskutim nga ambjentalistët për ndotjen që shkaktojnë në ambjent, këto e kanë ndotjen 0. Pra, nuk janë të dëmshme për mjedisin dhe e treta, investimi tek panelet fotovoltaike është le të themi me interes të lartë sepse ta kthen investimin. Pra, koha e investimin në varësi të cilësisë se panelit, kompanisë që bën të mundur instalimin dhe llojin e inverterave që përdorin ta kthen investimin brenda 5-7 viteve. Pra po marr një mesatare sepse mund të ketë edhe që ta kthen investimin në një kohë më të gjatë ose dhe më të shkurtër,” – thotë Duleviç.
E ndersa shqipëria ka shumë potenciale për prodhimin e energjisë me anë të diellit, njohësit e fushës thonë se qeveria duhet të ketë nisma për mbështetje me financime.
“Përsa i përket paneleve fotovoltaike e favorshme ose zona, Shqipëria ka plot që janë toka dierr, të pashfrytëzueshme dhe që nuk përdoren për bujqësinë dhe patjetër këtu duhet të jetë fokusi. Nga ana tjetër qeveria duhet të marrë masa ligjore që ti mbështesi investitorët strategjikë ose potencialë që duan të hynë në investimin e paneleve fotovoltaike për prodhimin e energjisë edhe me subvencione. Pra, që të ketë mbështetje direkte në mënyrë që kapaciteti prodhues i energjisë së rinovueshme nga këto impiante, prodhimi të shtohet dhe të zërë një peshë më të madhe sec është aktualisht.”
Shumë biznese tashmë e kanë siguruar vetë energjinë elektrike në Shqipëri me anë të paneleve diellore dhe e konsiderojnë si një nga iniciativat më të vlefshme për kompaninë e tyre pasi investimi kthehet në një kohë më të shkurtër për shkak të rritjes së cmimit të energjisë.
