Në Kinë do të hapet një fabrike e re ku në linjat e prodhimit nuk do të punojë asnjë njeri.
Ajo do të funksionojë plotësisht me robotë dhe sisteme inteligjence articiale.
Në këtë impiant, çdo fazë e prodhimit, që nga montimi i shasisë dhe instalimi i komponentëve elektronikë, deri te kontrolli i cilësisë, realizohet nga robotë humanoidë dhe krahë industrialë të sinkronizuar nga algoritme të avancuara.
Meqë nuk ka prani njerëzore, fabrika mund të operojë 24 orë në ditë, 7 ditë në javë, pa ndriçim apo nevojë për pushime apo ndërrime turnesh.
Përfaqësuesit e kompanisë theksojnë se kjo teknologji do të rrisë ndjeshëm efikasitetin, do të ulë kostot e prodhimit dhe do të minimizojë gabimet njerëzore. Sipas tyre, automatizimi total pritet të përshpejtojë ritmet e prodhimit dhe të sigurojë një standard më të qëndrueshëm cilësie për çdo automjet që del nga linja.
Megjithatë kjo pritet të ndikojë në zhdukjen e mijëra vendeve të punës në sektorin industrial.
Hapja e kësaj fabrike është një sinjal i qartë se industria globale po hyn në një epokë të re.
