Investimet në teknologjinë e mbrojtjes të Evropës po shtohen pasi NATO të martën konfirmoi investimet e saj të para të teknologjisë së thellë si pjesë e një fondi prej 1 miliardë eurosh që synon të adresojë sfidat e sotme të mbrojtjes, sigurisë dhe qëndrueshmërisë.
Organizata e Traktatit të Atlantikut të Veriut njoftoi fondin në vitin 2022, pas pushtimit të Ukrainës nga Rusia.
Kompanitë e para që marrin investimin janë evropiane dhe përfshijnë ARX Robotics të Gjermanisë, e cila dizajnon robotë pa pilot dhe tre biznese në Mbretërinë e Bashkuar.
Kompania e prodhimit të çipave kompjuterikë me bazë në Londër, Fractile, gjithashtu mori fonde, si dhe iComat me bazë në Bristol dhe start-up uellsian Space Forge, i cili prodhon materiale të reja hapësinore.
Fondi ka investuar gjithashtu në katër fonde të kapitalit sipërmarrës që fokusohen në teknologjinë e thellë: Join Capital, Vsquared Ventures, OTB Ventures dhe Alpine Space Ventures.
Fondi synon të ndihmojë në avancimin e inovacionit në materiale të reja dhe prodhim, inteligjencë artificiale (AI) dhe robotikë.
Përkthyer dhe përshtatur nga Euronews për Probizz.al
