A e dini që në Shqipëri ka një vend që prodhon 100% në mënyrë natyrale produkte për kujdesin e lëkurës?
Çdo vlerë e bimëve medicinale që rritet në vendin tonë shërben për prodhimin e produkteve të shumta për kujdesin e lëkurës nën emrin “Natyra Ime”.
Jetmira Kajoshi drejton sipërmarrjen “Natyra ime” të themeluar në fshatin Shtoj i Ri të Shkodrës që prej tetorit të vitit 2015.
E gjithë ideja për të sjellë një shportë me produkte të tilla erdhi pas një periudhe 1 vjeçare trajnimi në një punishte të produkteve natyrale në Milano të Italisë.
Në punishten “Natyra ime” prodhohen sapunë artizanalë natyralë me vajra dhe bimë që merren në Shqipëri.
E veçanta e këtyre produkteve që i japin jetë lëkurës, qëndron tek mënyra se si prodhohen, tërësisht në mënyrë artizanale dhe pa asnjë përmbajtje kimike, aromë sintetike apo dhjam shtazor.
Baza e kremrave dhe sapunëve janë përdorimi i bimëve medicinal të clat bëjnë që lëkura të duket perfekt dhe njëkohësisht të marrë ushqimin e duhur çdo ditë.
“Natyra Ime” është një nga të vetmet biznese në vend që vlerën e bimëve të shëndetshme e përkthen në produkte për lëkurë.
Produktet Kozmetike Artizanale 100% natyrale me përmbajtje bimore mund të porositen online në faqen e Instagram, Facebook ose në kontaktet e vendosura në website dhe porosia ju vjen kudo ndodheni./ProBizz.al/
