Inflacioni ka shfaqur në nëntor shenja ngadalësimi për herë të parë në një vit, duke sinjalizuar se rritja e fortë e çmimeve mund të ketë arritur pikun.
Sipas INSTAT, Ndryshimi vjetor i indeksit të çmimeve të konsumit në muajin Nëntor 2022 është 7,9%.
Kjo është hera e parë që shifra vjetor vjen në rënie, që nga muaji tetor 2021, ndërsa një muaj më parë në tetor 2022, ky tregues arriti nivelin më të lartë që nga 199-a, në 8.3%.
Gjithsesi, rritja e çmimeve mbetet e lartë në raport me të njëjtën periudhë të një viti më parë, ku ndikimin kryesor vijon ta ketë shtrenjtimi i ushqimeve, ndërsa është zbehur efekti i karburanteve.
Banka e Shqipërisë ka rritur disa herë normën bazë të interesit këtë vit, duke e çuar aktualisht në 2.75%, nga 0.5% që ishte në fillim të vitit, në një përpjekje për të luftuar rritjen e çmimeve përmes shtrenjtimit të kostos së parasë.
Sipas INSTAT, Rritja vjetore e çmimeve në muajin Nëntor është ndikuar kryesisht nga grupi “Ushqime dhe pije joalkoolike” me +5,12 pikë përqindje, pasuar nga grupi “Transporti” me +0,58 pikë përqindje.
Çmimet e grupit “Qira, ujë, lëndë djegëse dhe energji” me +0,60 pikë përqindje. Çmimet e grupit “Mobilje, pajisje shtëpie dhe mirëmbajtje e shtëpisë” me +0,47 pikë përqindje. Çmimet e grupit “Pije alkoolike dhe duhan” me +0,29 pikë përqindje. Çmimet e grupit “Mallra dhe shërbime të ndryshme” me +0,21 pikë përqindje.
Çmimet e grupit “Hotele, kafene dhe restorante” kanë kontribuar me +0,28 pikë përqindje. Çmimet e grupit “Veshje dhe këpucë” me +0,14 pikë përqindje. Çmimet e grupeve “Shëndeti” dhe “Shërbimi arsimor” me +0,09 pikë përqindje secili. Çmimet e grupit “Komunikimi” me +0,04 pikë përqindje. Çmimet e grupit “Argëtim dhe kulturë” +0,03 pikë përqindje.
Ndryshimet vjetore të grupeve kryesore: Krahasuar me muajin Nëntor 2021, rritja më e madhe e çmimeve vërehet në grupin “Ushqime dhe pije joalkoolike” me 14,7%, pasuar nga grupet “Transporti” me 9,6 %, “Mobilje, pajisje shtëpie dhe mirëmbajtje e shtëpisë” me 6,2%, “Hotele, kafene dhe restorante” me 6,1%, “Pije alkoolike dhe duhan” me 5,8%, “Veshje dhe këpucë” dhe “Mallra dhe shërbime të ndryshme” me 3,6% secili, “Qira, ujë, lëndë djegëse dhe energji” me 3,1%, “Shërbimi arsimor” me 1,9%, “Shëndeti” me 1,3%, “Komunikimi” me 1,1 % dhe “Argëtim dhe kulturë” me 1,0%. Brenda grupit të ushqimeve çmimet e nëngrupit “vajra dhe yndyrna” u rritën me24,1%, pasuar nga nëngrupet “qumësht, djathë dhe vezë” me 23,3%, “peshk” me 16,2%, “bukë dhe drithëra” me 15,8%, “zarzavate përfshirë patatet” me 15,0 %, “sheqer, reçel, mjaltë, çokollata dhe ëmbëlsira” me 14,8%, “mish” me 12,4%, etj.
Burimi: Revista Monitor
